Выстава «Ван Гог. Ван Лаў» у Гомелі

У сераду, трэцяга верасня, у галерэі Вашчанкі адкрываецца выстава «Ван Гог. Ван Лаў». 

Праект «Ван Гог. Ван Лаў» — гэта выстава, дзе сучасныя мастакі пераасэнсоўваюць творчасць аднаго з самых адметных майстроў постімпрэсіянізму Вінцэнта Ван Гога.

 Экспазіцыя раскрывае ключавыя тэмы, звязаныя са спадчынай Ван Гога: глыбокая самота, яркасць і трагічнасць непадзеленага кахання, розныя міфы і здагадкі, якімі поўная біяграфія вялікага мастака і многае іншае. 

Аснову экспазіцыі складаюць працы беларускіх аўтараў, якія выкарыстоўваюць разнастайныя мастацкія медыя — ад жывапісу і графікі да лічбавага мастацтва і інсталяцый. Гледачы змогуць убачыць, як ідэі Ван Гога знаходзяць новае гучанне праз прызму сучаснасці. 


Кульмінацыяй праекта стане імерсіўны фільм «Быць Ван Гогам», які праецыруецца на паверхні, што дазваляе поўнасцю пагрузіцца ў тое, што адбываецца вакол. Фільм, заснаваны на лістах Вінцэнта брату Тэа, дазволіць убачыць мары і надзеі Ван Гога, а таксама яго сумневы і страхі. 

Наведвальнікі змогуць прайсці тэматычны квэст, каб пагрузіцца ў экспазіцыю, а ўнутры выставачнай прасторы знойдуць унікальныя фотазоны, якія ідэальна падыходзяць для яркіх кадраў.


 У дзень адкрыцця, 3 верасня ў 17:00 усіх гасцей чакае яшчэ і экскурсія па экспазіцыі. 


Квіткі — 14 рублёў дарослым, 10 рублёў студэнтам, 8 рублёў — пенсіянерам, школьнікам і інш. 

Выстава працягнецца да 16 лістапада.