Ці гарантуе закон права на выбар мовы навучання? Што адбываецца на практыцы? Што нам з усім гэтым рабіць? Ініцыятыва «Умовы для мовы» падрыхтавала відэаролік з адказамі на гэтыя пытанні.
У відэа прыводзяцца гісторыі моўнай дыскрымінацыі з кнігі Аліны Нагорнай «Мова 404».
«Былі праблемы, калі я вучыўся ў гімназіі. Наша „русіца“ казала, што людзі, якія размаўляюць па-беларуску, ходзяць на мітынгі. Што яны ходзяць туды за бутэльку водкі. Парадокс у тым, што гэта была беларускамоўная гімназія, а ў ёй адкрыта выказвалася такая антыбеларуская пазіцыя.»
«На мяне аднакласнікі глядзелі як на дурніцу, калі я пачала выкарыстоўваць беларускую мову, а сябар на пост па-беларуску ў інсце пакінуў камент "ты долго эту дурь писала?»
Што рабіць у такіх выпадках? Адказы ў відэа.
