Чацвёртая адкрытая лекцыя Андрэя Хадановіча ў Літаратурным музеі Петруся Броўкі.
Літаратурны музей Петруся Броўкі і грамадская кампанія “Будзьма беларусамі” запрашаюць на публічныя лекцыі паэта і перакладчыка Андрэя Хадановіча, які прапануе ўсім, хто не спалохаецца, пяць літаратурных вандровак у таварыстве мёртвых (вядома ж, здольных яшчэ як ажываць!) аўтараў.
Літаратар пазнаёміць слухачоў са сваімі ўлюбёнымі французскімі і польскімі паэтамі, пагаворыць пра найважнейшых для сябе беларускіх лірыкаў, спыніцца на праблемах мастацкага перакладу паэзіі – і нават тэкстаў песень.
У межах сустрэчаў – развагі, інтэрпрэтацыі, вершы ў арыгінале і беларускіх перакладах, спевы, інтэрактыўныя віктарыны з прызамі ад грамадскай кампаніі “Будзьма беларусамі”!
Вечар чацвёрты: 24 сакавіка 19.00
“Амплітуда смеласці”: Танк, Стральцоў, Барадулін
- Т-39. Давераснёўская й паслявераснёўская мадэль.
- Магічны сацрэалізм: канвенцыя і па-за ёй.
- Прайсці праз верлібр.
- Блюз перакладчыка: польская кантрабанда.
- “Фестываль” Стральцова: проза паэта й паэзія празаіка.
- “Трамвай, як сараканожка”. Лорка на асфальце.
- “Я хачу напісаць радок”. Смаленне Сальеры.
- Легенды і міфы РБ: “багемны”, “нацыяналістычны”, “фрывольны”, “царкоўны”…
- Матылёк на палігоне метафараў.
- Кнігаскладанне: невыносная лёгкасць віртуознасці.
Уваход 15 000 руб
Наступная лекцыя пройдзе 31 сакавіка ў 19.00.
