10 снежня — у Міжнародны дзень правоў чалавека — ў Осла адбудзецца ўрачыстая цэрэмонія ўручэння Нобелеўскай прэміі міру.
Нагадаем, у гэтым годзе прэстыжную прэмію атрымалі адразу тры намінанты: кіраўнік «Вясны» Алесь Бяляцкі, украінскі «Цэнтр грамадзянскіх свабод» і расійскі «Мемарыял».
Каб падтрымаць Алеся Бяляцкага, выказаць яму сваю пашану і падзяку за шматгадовую абарону і дапамогу людзям, запрашаем 10 снежня далучыцца да сумесных праглядаў трансляцыі з цэрэмоніі Нобелеўскай прэміі міру ў розных гарадах:
Вільня, Літва: Беларускі Дом у Вільні (Віленская, 20) з 13-й гадзіны;
Варшава, Польшча: Дом Літаратуры і Моладзевы Хаб (plac Konstytucji, 6), час пачатку сустрэчы ўдакладняецца;
Прага, Чэхія: Беларуская Клубоўня суполкі «Пагоня» (5 května 1043/32, Praha 4 Nusle) з 12.00 да 14.30, сустрэча ў Фэйсбуку;
Тбілісі, Грузія: Прастора «Кропка», форма рэгістрацыі;
Лондан, Вялікабрытанія: Association of Belarusians in Great Britain, 52 Penn (52 Penn Rd London N7 9RE) з 12:00 да 13:30.
Па ўсіх лакацыях пазначаны мясцовы час.