Белгазпрамбанк першым у Беларусі прадставіў мабільны дадатак, што дапаўняе выставу «Час і творчасць Льва Бакста»
Белгазпрамбанк прадстаўляе мабільны дадатак Bakst (распрацаваны ЗАТ «Научсофт) — віртуальны гід па маштабнай мастацкай выставе «Час і творчасць Льва Бакста». У 2016 годзе гэты арт-праект плануецца разгарнуць не толькі ў Мінску, але і ў музеях Вільні і Рыгі.
Даступная для загрузкі карыстальнікам мабільных прыладаў, якія працуюць па кіраваннем iOS, Android і Windows, гэтая праграма — першая ў свеце, наўпрост звязаная з творчасцю нашага вялікага суайчынніка Льва Бакста. Акрамя таго, гэта першы ў гісторыі музеяў Беларусі «мабільны» аўдыягід па мастацкай выставе.
У дадатку Bakst прадстаўленыя:
— аўдыягід па 27 экспанатах выставы, складзены вядучымі экспертамі Нацыянальнага мастацкага музея Рэспублікі Беларусь;
— 10 рэпрадукцый твораў Льва Бакста;
— 17 рэпрадукцый твораў мастакоў «Свету мастацтва»;
— тэкставыя апісання экспанатаў;
— схема і падрабязная інфармацыя аб экспазіцыі.
Мастакі, чые работы дэманструюцца ў дадатку: Леў Бакст, Аляксандр Бенуа, Альберт Бенуа, Грыгорый Баброўскі, Максіміліян Валошын, Аляксандр Галавін, Канстанцін Каровін, Напалеон Орда, Ілля Рэпін, Фердынанд Рушчыц, Валянцін Сяроў, Казімір Стаброўскі, Канстанцін Сомаў, Савелій Сорын, Дзмітрый Стэлецкі, Мікалоюс Канстанцінас Чурлёніс, Марк Шагал.
Тэкст аўдыягіда чытае супрацоўнік Белгазпрамбанка Павел Канаш, якому тут спатрэбіўся яго вопыт працы на FM-радыёстанцыях нашай краіны.
Спасылкі на дадатак Bakst:
Windows-версія знаходзіцца ў стадыі публікацыі.
Для даведкі:
Маштабны міжнародны арт-праект “Час і творчасць Льва Бакста” прысвечаны 150-годдзю з дня нараджэння сусветна вядомага мастака Льва Бакста, які адзначаецца пад эгідай ЮНЕСКА. У экспазіцыі прадстаўлена больш за 200 твораў майстра і яго сучаснікаў з карпаратыўнай калекцыі Белгазпрамбанка, музейных збораў Беларусі, Латвіі, Літвы, Польшчы і Расіі.
Леў Бакст (1866—1924) — сусветна вядомы мастак Срэбнага стагоддзя, заснавальнік стылю «мадэрн». Нарадзіўся ў 1866 годзе ў Гродне (Беларусь). Стаяў ля вытокаў легендарнай мастацкай суполкі «Свет мастацтва». Бакст праявіў сябе як выдатны партрэтыст, ілюстратар, тэатральны мастак і мадэльер сваёй эпохі. Сусветную вядомасць ён атрымаў, стаўшы галоўным мастаком знакамітых балетных «Рускіх сезонаў» С. Дзягілева ў Парыжы.
ЗАТ «Научсофт» — ІТ-кампанія з офісамі ў Мак-Кіні (ЗША), Мінску (Беларусь), Хельсінкі (Фінляндыя) і Паўднёва-Усходняй Азіі — мае дзесяцігадовы вопыт у сферы інфармацыйнай бяспекі і кіравання падзеямі (SIEM). Больш за 200 кампаній у 25 краінах свету выбралі ЗАТ «Научсофт» у якасці пастаўшчыка ІТ-паслуг.
