4 ліпеня грамада беларусаў Батумі распачынае шэраг мерапрыемстваў у межах Сусветнага тыдня беларускай культуры.

«За апошнія два гады сотні тысяч беларусаў з’ехалі ў эміграцыю з-за рэпрэсій. Ладная частка з іх цяпер жыве ў Аджарыі. Сёння Беларусь — наш супольны і адвечны арт-праект. Мы ствараем яго разам — па‑за межамі ды турэмнымі мурамі, насуперак гвалту, ціску ды забаронам», — пішуць арганізатары.

Мэта імпрэз — падтрымаць мясцовых беларусаў, паказаць, што нават знаходзячыся далёка ад дома, можна захоўваць нацыянальную тоеснасць і традыцыі, прагу да мастацтва і творчасці, любоў, надзею і веру ў добрую будучыню Бацькаўшчыны.

Мерапрыемствы пройдуць у розных лакацыях Батумі з 4-га па 9-е ліпеня.

Вось некалькі цікавостак з праграмы:

4 ліпеня пройдзе творчы майстар-клас «Лялька-мотанка» для дзетак і дарослых, а таксама анлайн-варкшоп па праграмаванні для дзяцей, на якім створаць праекты пра культуру Беларусі.

5 ліпеня — выстава малюнкаў «Любімае месца. Мая Беларусь» і напісанне лістоў «Пажаданні Беларусі».

6 ліпеня — Купалле!

7 ліпеня — творчая сустрэча з пісьменніцай Наталкай Харытанюк.

8 ліпеня — канцэрт беларускіх музыкаў.

9 ліпеня — творчыя майстар-класы ды вечарына на караблі!

І гэта далёка не ўсё!

Праграму Дзён беларускай культуры можна паглядзець тут.