Перад стартам чарговага розыгрышу Адкрытага чэмпіянату ЗША па тэнісе беларускія фанаты асабліва разлічваюць на дзвюх прадстаўніц краіны ў жаночым адзіночным разрадзе.
Чэмпіянат US Open стане апошнім турнірам серыі Вялікага шлема ў 2022-м годзе, а ўсе ўдзельнікі пастараюцца паказаць максімум сваіх магчымасцей на кортах у Нью-Ёрку. Сярод іх будуць і прадстаўнікі Беларусі. А самыя высокія шанцы паказаць сябе, на думку бетынг-экспертаў, у двух прадстаўніц прыгожага полу — Арыны Сабаленка і Вікторыі Азаранка.
Такой думкі прытрымліваецца і афіцыйны букмекер Бетера, у шырокай лініі якога заўсёды ёсць вялікі выбар аб’ектаў для закладу, звязаных з галоўнымі тэніснымі турнірамі на планеце. Паводле каціровак ад аналітыкаў кампаніі, беларускія тэнісісткі Сабаленка і Азаранка ўваходзяць у Топ-20 прэтэндэнтак на тытул Адкрытага чэмпіянату ЗША, прычым калі Вікторыя займае ў гэтым своеасаблівым рэйтынгу дваццаты радок, то Арыне адводзяць шостае месца ў спісе фаварытак.
Самыя ж высокія шанцы стаць чэмпіёнкай US Open-2022 у жаночым адзіночным разрадзе эксперты лагічна пакідаюць першай ракетцы свету на дадзены момант — Ізе Швёнтэк з Польшчы. Вядучая спартыўная аналітыка, якая датычыцца жаночага тэніса, у адзін голас гаворыць аб высокіх шанцах палячкі. Спартсменка, якая ўжо выйграла ў гэтым сезоне адзін з турніраў Вялікага шлема (Ралан Гарос), а яшчэ на адным дайшла да паўфіналу (Australian Open), напэўна будзе мець найвышэйшыя шанцы на трыумф і на кортах у ЗША.
Гаворачы аб выніках дзвюх галоўных беларускіх прадстаўніц на US Open сёлета, варта адзначыць, што Сабаленка і Азаранка пакуль ідэнтычна выступаюць на спаборніцтвах Вялікага шлема. На Адкрытым чэмпіянаце Аўстраліі абедзве завяршылі свой паход за тытулам на стадыі 4-га круга, а на Ралан Гарос Арына і Вікторыя скончылі барацьбу за трафей у трэцім раундзе.
Адметна, што і з US Open у абедзвюх беларускіх тэнісістак звязаны асаблівыя ўспаміны ў кар’еры. Сабаленка менавіта на гэтым турніры дабілася аднаго з двух сваіх найвышэйшых дасягненняў у кар’еры — паўфіналу, прычым зрабіла гэта ў мінулым сезоне, калі саступіла ў бітве за выхад у вырашальную стадыю чэшцы Караліне Плішкавай (7:5, 4:6, 4:6). Што да Азаранкі, то яна дабіралася да фіналу Адкрытага чэмпіянату ЗША тройчы за сваю кар’еру — часцей за ўсё сярод усіх турніраў Вялікага шлема. Праўда, перамагчы Вікторыі на кортах у Нью-Ёрку пакуль так ні разу не ўдалося. У фінале беларускай тэнісістцы супрацьстаялі па-сапраўднаму магутныя саперніцы — двойчы Серэна Уільямс і адзін раз Наомі Осака. Але трэба аддаць належнае Азаранка — усе тры фіналы яна прайграла ва ўпартай барацьбе і ў трох сэтах.
Можа, з чацвёртай спробы вопытнай беларускай тэнісістцы ўдасца пакарыць галоўныя тэнісныя корты Амерыкі? Чакаць адказу на гэтае пытанне засталося не так доўга. Ужо 29-га жніўня стартуе асноўная сетка Адкрытага чэмпіянату ЗША, і ў беларускіх фанатаў тэніса будзе за каго заўзець на гэтым прэстыжным спаборніцтве.
Партнёрскі матэрыял
