Будзьма беларусамі! » Неабыякавыя беларусы з розных ініцыятываў запусцілі кампанію #BelarusWithUkraine

Кампанія зроблена для ўкраінцаў па ўсім свеце і для беларусаў, якія хочуць дапамагчы украінцам. Мэта кампаніі - паказаць нашым суседзямі, што беларусы - разам з імі, што гэта і наша трагедыя, бо там жывуць нашы сваякі, сябры, калегі, паплечнікі. Не Беларусь, якая цяпер знаходзіцца пад двайной акупацыяй, ваюе супраць Украіны.

Беларусы - раскіданыя па свеце, пацярпелыя за сваё меркаванне, асуджаныя на гады турмы - не хаўруснікі злачыннай улады.

Беларусы - супраць вайны і робяць усё магчымае, каб дапамагчы ўкраінцам!

На старонках ініцыятывы публікуецца інфармацыя пра тое, як беларусы валанцёраць на мяжы, дапамагаюць бежанцам, ідуць дабраахвотнікамі ва ўкраінскае войска, выходзяць на антывенныя мітынгі пад пагрозай турэмных тэрмінаў, вядуць рэйкавую вайну, робяць кібератакі і сочаць за перамяшчэннямі расійскай тэхнікі па Беларусі.

BelarusWithUkraine - гэта інфармацыя пра беларускую дапамогу ўкраінцам. Яна ёсць, яна розная. Наша задача - зрабіць яе бачнай. Для ўкраінцаў, сусветнай супольнасці і саміх беларусаў.

Падпісвайцеся на сацсеткі кампанні, распаўсюджвайце інфармацыю

Instagram

facebook

Twitter

Тэлеграм