У рэлізе музыкі кажуць, што «працягваюць назіраць за навакольнай рэчаіснасцю», сюжэт відэакліпа вельмі сімвалічны і шматсэнсоўны. У ім можна заўважыць антываенныя адсылкі.
Кліп і песня «Калыханка» прысвячаюцца памяці Алены Мяшковай, якая многія гады ўзначальвала Дабрачынны Фонд Канстанціна Хабенскага. Алена памерла ў канцы 2021 года ад анкалагічнага захворвання. У суправаджальным тэксце да кліпа музыкі называюць Алену Мяшкову сваёй блізкай сяброўкай. За некалькі дзён да свайго сыходу яна папрасіла Лёву і Шуру напісаць для яе калыханку.
«Мы супрацоўнічаем з Фондам Хабенского больш 8 гадоў, і за гэты час разам з прыхільнікамі сабралі сродкі для аплаты лячэння, лекаў або рэабілітацыі для 96 яго падапечных» — кажуць музыкі.
Гурт адмовіўся 28 сакавіка выступаць на фоне банэра «Zа президента» ў Омску. Канцэрты «Би-2» ужо адмянілі ў Пензе, Астрахані, Уфе і Казані па ініцыятыве мясцовых уладаў, 18 мая быў адменены сумесны выступ гурта і творчага аб’яднання «Квартет И» у Пецярбургу.
