Гурт Bosae Sonca выклаў у сеціва для вольнага спампоўвання і праслухоўвання максі-сінгл “Золатам”. Трэк, добра вядомы слухачам па электрычным і акустычным канцэртам цяпер даступны і ў студыйнай якасці. Атрымаўшы назву “Золатам”, рэліз зроблены і сапраўды “па-багатаму”. Акрамя дзвюх версій загалоўнай песні і 3 рэміксаў, ён уключыў у сябе адмысловую версію трэка ад Байсана і Віталя Кулеўскага. Апошняя, паводле каманды стваральнікаў прадстаўляе сабой “класічны бі-сайд, зроблены для Хэлаўінаўскага фільма жахаў”.
Цалкам трэк-ліст сінгла выглядае наступным чынам :
Канцэртная прэзентацыя сінгла прайшла у рамках міні-тура гурта па Польшчы. Бэнд паспяхова выступіў у Варшаве, Шчытах-Дзенцялова і Беластоку. Ужо вядомыя і бліжэйшыя планы музыкаў на Радзіме. Аднаймённы альбом Bosae Sonca выйдзе ў снежні і акрамя музычнай часткі ўключыць у сябе вялікі блок бутлегерскіх відэазапісаў, якія не выдаваліся раней. Канцэртная прэзентацыя плыткі ў Беларусі адбудзецца ў студзені 2013 году ў межах серыі канцэртаў “Жывы Тузін”.
Спампаваць максі-сінгл “Золатам” адным файлам з партала Tuzin.fm
Фота – Яўген Ерчак
