Учора на нашым ютуб-канале адбыўся канцэрт вядомага беларускага рэгі-гурта Botanic Project. Клім Малажавы і Андрэй Багамолаў пад акампанемент клавішаў і акустычнай гітары выканалі новыя песні і старыя хіты калектыву.
Калі вы не паспелі паглядзець анлайн, то цяпер самы час, каб гэта зрабіць!
Не гледзячы на тое, што гурт з большага рускамоўны, «Батанікі» не цураюцца і беларускай мовы. Напрыклад, яны сумясцілі ў 2016-м годзе песню Боба Марлі «Exodus» і верш Янкі Купалы «А хто там ідзе?».
Невядомае: легендарны рэгі-гурт Botanic Project у PartyZone
Беларусь далёка не самая цёплая краіна, але склалася так, што менавіта беларускі рэгі лічыцца самым таленавітым і аўтарытэтным на постсавецкай прасторы. Дарэчы, музычны стыль рэгі ў 2018-м годзе быў уключаны ў спіс культурна спадчыны ЮНЕСКА.
