Афіцыйная просьба да грамадзянаў не размяшчаць у твітары ўсё, што можа праінфармаваць падазраваных пра антытэрарыстычную аперацыю, ператварылася ў нацыянальны флэшмоб з катамі.
Калі ў нядзелю ўвечары бельгійская паліцыя папрасіла грамадзян не размяшчаць у сацыяльных сетках інфармацыю пра правядзенне аперацыі, што праходзіла па ўсёй краіне, цалкам даравальнай была б рэакцыя страху.
Бельгійскія спецсілы рабілі пошук падазраваных у правядзенні тэрарыстычных нападаў на Парыж і папрасілі грамадзян заставацца дома і не знаходзіцца каля вокнаў па меркаваннях бяспекі.
Яны таксама папрасілі, каб у сацыяльных медыях было маўчанне пра дзеянні паліцыі, каб не даваць інфармацыі падазраваным.
Напружаны час, не выклікае сумненняў. Але Бельгія адрэагавала – як інакш? – катамі!
Замест гутарак і абмеркавання тэорый адносна дзеянняў паліцыі, многія людзі выкарыстоўвалі хэштэг #BrusselsLockdown і размяшчалі фотаздымкі хатніх жывёл.
Пасля таго, як паступілі навіны пра арышты падазраваных, Крызісны цэнтр у Бельгіі падзякаваў медыям і грамадзянам за ан-лайн маўчанне, пра якое прасілі падчас аперацыі.
