Беларусь — радзіма тысячаў габрэяў, якіх ведае ўвесь свет: ад выбітных мастакоў Хаіма Суціна і Марка Шагала да шэрагу прэзідэнтаў і прэмʼер-міністраў Ізраіля, такіх як Хаім Вейцман, Менахем Бегін, Шымон Перэс. Каманда Лятучага універсітэта перакананая: беларусскую культуру немагчыма зразумець без гісторыі габрэйства на гэтай зямлі. Менавіта таму на дыстанцыйнай платформе Лятучага універсітэта выйшаў відэа-курс культуролага, літаратара, мастака і гісторыка мастацтва Сяргея Харэўскага «Габрэі ў гісторыі Беларусі».
Курс складаецца з 9 серый пра гісторыю габрэяў на тэрыторыі сучаснай Беларусі:
1. Прыход. Габрэі ў вялікім княстве літоўскім
2. Габрэі ў Рэчы Паспалітай
3. Духоўнае жыццё беларускіх габрэяў
4. Беларусь як цэнтр габрэйскай вучонасці. Хасідызм і міснагдым
5. За рысаю аселасці
6. Сацыальныя і культурныя трансфармацыі канца XIX ст.
7. Габрэі беларусі на мяжы XIX–XX стагоддзяў
8. Габрэі новай Беларусі. БНР і БССР
9. Габрэі ў заходняй Беларусі і падчас другой сусветнай вайны
Пасля праходжання курсу вы даведаецеся:
— У якіх гарадах былі самыя буйныя габрэйскія абшчыны, і хто ўчыніў першы ў гісторыі Беларусі акт генацыду габрэяў?
— Чаму габрэі ў Рэчы Паспалітай не падвяргалі асіміляцыі беларусаў і самі здолелі захаваць сваю нацыянальную самабытнасць?
— Калі з’явіліся і як выглядалі першыя сінагогі ў Беларусі?
— Калі і чаму была ўведзена «мяжа габрэйскай аселасці»?
Усе матэрыялы курсу даступныя бясплатна на платформе Лятучага у анлайн-фармаце. Для таго, каб атрымаць доступ да дадатковых матэрыялаў варта зарэгістравацца на платформе.
Для тых, хто не захоча праходзіць курс цалкам, але зацікавіўся канкрэтнымі тэмамі, кантэнт даступны на YouTube-старонцы ўніверсітэта.
паводле прэс-рэлізу