Падаецца між касцёлам Святога Мікалая ў Міры і замкам Радзівілаў у Нясвіжы няма нічога агульнага, але гэта толькі на першы погляд. На самой справе гэтыя два розныя па прызначэнні і памерах помнікі архітэктуры маюць шмат агульнага і цікавага.
Па-першае, абодва стварэнні былі пабудаваныя амаль у адзіны час. Будаўніцтва палаца доўжылася з 1583 года да пачатку XVIІ ст., а касцёл двойчы паўставаў (на пачатак драўляны, потым быў перабудаваны ў мураваны) з 1587 па 1605.
Дакладна вядома, што архітэктурны праект святыні належаў вядомаму італьянскаму архітэктару Джавані Марыё Бернардоні. Хто выканаў праект Нясвіжскага замка не высветлена, але хутчэй за ўсё гэта быў усё той жа італійскі майстар, які доўгі час працаваў у Радзівілаў. Яго аўтарству таксама належыць і знакаміты, дарэчы першы барочны ў свеце, касцёл Божага цела ў Нясвіжы. Такім чынам дойлід таксама з’яўляецца сувязной кропкай, якая яднае такія розныя палац касцёл.
Але самым асноўным, што аб’ядноўвае Касцёл Святога Мікалая ў Міры і рэзідэнцыю Радзівілаў у Нясвіжы – гэта Мікалай Крыштаф Радзівіл па мянушцы Сіротка, вядомы дзяржаўны і вайсковы дзеяч Вялікага Княства Літоўскага, мецэнат і пісьменнік. Па адной з версій кіраўніцтвам Мірскага касцёла магнат займаўся асабіста. Магчыма з гэтай прычыны патронам святыні стаў Святы Мікалай.
І гэта не здарма, бо жыццё Мікалая Сіроткі ў нечым было прыкладам ахвярнасці і адданасці добрым людзям, справе адраджэння і развіцця роднай зямлі. Ён актыўна фундаваў касцёлы, замкі, кляштары і шпіталі ў Нясвіжы, Міры, Дзераўной, Чарнаўчыцах, Свержані, Белай і інш., дапамагаў хворым і нямоглым, сіротам і бедным.
Як сімвал адзінства двух братоў спадчыны Сіроткі ў касцёле Святога Мікалая ў Міры працуе выстава, прысвечаная нясвіжскай рэзідэнцыі Радзівілаў і знакамітым прадстаўнікам роду.
Гэтая выстава быццам сімвалічна звязвае некалькі кірункаў жыцця свайго “бацькі” свецкае і духоўнае, дазваляе прасякнуцца веліччу і высакароднасцю аднаго з самых знакамітых шляхецкіх родаў былога Вялікага Княства Літоўскага. І гэта таксама не выпадкова, бо сёлета споўнілася 400 год з той пары, як Мікалай Крыштаф Радзівіл “Сіротка” скончыў свой зямны шлях.
Створаная ім спадчына працягвае жыць і віры гісторыю надаюць яго “дзецям” усё новыя і новыя фарбы.
Выстава арганізавана МГА “Гісторыка” ў партнёрстве з Нацыянальным гісторыка-культурным музеем-запаведнікам “Нясвіж”. Асаблівая падзяка за магчымасць правядзення такой выставы – пробашчу парафіі касцёла Святога Мікалая ў Міры – доктару Аляксандру Севасцьяновічу.
Выстава будзе працаваць у касцёле да 16 жніўня. Не абмініце магчымасць зазірнуць, каб не толькі атрымаць асалоду ад творчай імпрэзы, але і прасякнуцца атмасферай сапраўднай дабрыні і любові, якія заўжды напаўняюць сціплы, але вельмі багаты гісторыяй касцёл.
Таццяна Пятрова
Аўтары фота: Нясвіжскі палац – Віктар Малышчыц;
Мірскі касцёл – Віталь Раковіч
