Дызайнер з ЗША прадставіла калекцыю «3D-адзення»

Амерыканскі мадэльер прадэманстравала калекцыю адзення са стэрэаскапічным эфектам.

Дызайнер Rebecca Minkoff прадставіла на New York Fashion Week сваю калекцыю адзення з прынтамі з эфектам 3D. Каб гледачы маглі напоўніцу ацаніць ідэю і выкананне, кожнаму пры ўваходзе выдавалі аднаразовыя 3D-акуляры.

У падобных акулярах мадэлі, якія дэманстравалі новую калекцыю, выходзілі на подыум.

Але ў памяшканні Лінкальн-цэнтра, дзе адбываўся паказ, было занадта цёмна, і многія гледачы здымалі акуляры. Праўда, фрагменты прынтоў, дзе дызайнерам быў задуманы стэрэаскапічны эфект, бачны і няўзброеным вокам.

Лэйбл Rebecca Minkoff вядомы дзякуючы зручным сукенкам, сумкам і аксэсуарам. 2014 год стаў для яго паваротным дзякуючы фокусу на дызайне, больш цесна звязаным з сучаснымі тэхналогіямі. У прыватнасці, падчас New York Fashion Week публіцы былі прадэманстраваныя смарт-бранзалеты, якія злучаюцца са смартфонам па Bluetooth.