21 лютага — адзначаецца Міжнародны дзень роднай мовы. Зрабілі для вас падборку беларускіх мерапрыемстваў, якія будуць праходзіць у розных гарадах свету з нагоды Дня роднай мовы, каб вы маглі годна адзначыць гэтае свята.
А ад рэдакцыі «Будзьма» дадамо: самае лепшае ўшанаванне роднай мовы — размаўляць на ёй кожны дзень.
Беларусь
Мінск
Беларускамоўны спектакль-урок «Чароўны лес» у Мінску
У аўторак, 21 лютага, і ў суботу, 25 лютага, на івэнт-пляцоўцы «Gooli» — беларускамоўны інтэрактыўны спектакль «Чароўны лес» для дзетак ад 6 да 10 гадоў. Мэта ягоная — проста ды цікава вывучаць беларускую мову праз гульню.
Лісты да Якуба Коласа пішуць у Мінску
У аўторак, 21 лютага, музей Якуба Коласа адзначае Дзень роднай мовы і прапануе вам напісаць лісты да Коласа падчас акцыі «Ліст да Коласа».
Як даўно вы заходзілі на пошту, набывалі канверты, пераймаліся ці хопіць маркі на адпраўку чатырох аркушаў? Дзе знайсці бліжэй паштовую скрыню? Што такое «адкрыты ліст»?
Узгадайце ўсе тыя пачуцці падчас акцыі «Ліст да Коласа».
Напішыце сапраўдны папяровы ліст да дзядзькі Якуба і адашліце яго на адрас Якуба Коласа: 220012 Мінск, вул. Акадэмічная, д. 5.
Адзіная ўмова: ліст мусіць быць напісаны, аформлены ад рукі — толькі простыя аркуш паперы і аловак/асадка/пэндзаль.
Аўтараў самых пранікнёных і крэатыўных пасланняў чакаюць рамантычная экскурсія на дваіх, прагляд кінастужкі «Каханне жыве для дваіх» кінастудыі Уладзіміра Бокуна і іншыя прыемныя нечаканасці ад музея.
Нягледзячы на вызначаны дзень — 21 лютага 2023-га, лісты прымаюцца да канца месяца.
Нацыянальная бібліятэка Беларусі запрашае адсвяткаваць Міжнародны дзень роднай мовы разам
Міжнародны дзень роднай мовы асаблівы для кожнай нацыі, кожнага народа, бо няма народа без мовы, як няма мовы без яе носьбіта. Адзначым гэта свята разам! Падрабязны расклад мерапрыемстваў тут.
Анлайн-дыктоўка па беларускай мове, прымеркаваная да Міжнароднага дня роднай мовы
Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі запрашае прыняць удзел у Рэспубліканскай дыктоўцы па беларускай мове, прымеркаванай да Міжнароднага дня роднай мовы.
Тыдзень роднай мовы з інстаграм-блогеркай Пакрысе #тыдзеньроднаймовы_з_пакрысе
На працягу тыдня @pakrysie на сваёй старонцы ў Інстаграм будзе публікаваць заданні, якія дапамогуць вам пашырыць ужыванне беларускай мовы ў вашым жыцці.
Сярод тых, хто выканае ўсе заданні ў межах #тыдзеньроднаймовы_з_пакрысе, pakrysie рандомна абярэ пераможцу і дашле каштоўны і натхняльны прыз — срэбны кулон «Беларусь са слязой» ад @belaruskicry!
Падрабязней тут.
Гродна
23 лютага, Універсітэт Залатога Веку ў Гродне ладзіць Беларускую дыктоўку да Дня роднай мовы. Вядучая свята — Вікторыя Петрусевіч, выкладчыца курса «Ад трасянкі да беларускамоўнасці. 2.0».
Літва
Вільня
Дзень роднай мовы з «Мовай Нанова» ў Вільні
Школа Стэмбрыдж у Вільні запрашае адзначыць Дзень роднай мовы разам з «Мовай Нанова». У праграме: квіз для дзяцей і падлеткаў, выступ паэта і перакладчыка Андрэя Хадановіча, а таксама будуць гульні, вершы, падарункі і мора эмоцый.
Вечарына да Дня роднай мовы з гуртом «Вячоркі» ў Вільні
Гурт «Вячоркі», запрашае атрымаць асалоду ад беларускамоўнай музыкі на канцэрце ў гонар Дня роднай мовы.
Грузія
Тбілісі
Дзень роднай мовы з выдавецтвам «Скарына» ў Тбілісі
Ігар Іваноў з выдавецтва «Скарына» распавядзе пра даўнюю і багатую традыцыю беларускага кнігадруку ў Брытаніі і чаму якраз цяпер спрыяльны час ствараць беларускія кнігі. Уладзіслаў Гарбацкі, пісьменнік і перакладчык з Вільні, распавядзе пра свае творы і пераклады.
Батумі
19:00 «Беларусім гуляючы» — настольныя гульні для дарослых (18+) на беларускай мове. Самы просты і вясёлы спосаб перайсці на беларускую.
21.00 Прагляд скандальнага мастацкага фільма «Купала», які мае складаную жыццёвую гісторыю, як і яго галоўны герой.
Арганізатары абяцаюць усім наведнікам сюрпрыз.
Дзе: Многафункцыянальная прастора «аКсяродак» (вул. Метакса, 4).
Польшча
Беласток
Беларуская дыктоўка да Дня роднай мовы ў Беластоку
21 лютага, у Міжнародны дзень роднай мовы, падчас юбілейнага, дзясятага занятка «Мовы нанова» ў Беластоку напішуць Агульнанацыянальную дыктоўку. Прачытае яе спявачка і журналістка Кацярына Ваданосава.
Лодзь
Дзень роднай мовы ў Лодзі
Таварыства Беларускай Мовы ў Лодзі запрашае адзначыць Дзень роднай мовы і напісаць беларускую дыктоўку.
Варшава
Музычны Ў-квіз у Варшаве
У аўторак, 21 лютага, беларусы Варшавы адзначаюць Дзень роднай мовы беларускамоўным Ў-квізам.
«Беларуская дыктоўка» ў Варшаве
Беларускую дыктоўку ў Дзень роднай мовы напішуць і ў Варшаве, на кафедры беларусістыкі Варшаўскага ўніверсітэта. Колькасць месцаў абмежаваная, таму рэгістрацыя на дыктоўку завершылася яшчэ 16 лютага. Але ж можна далучцца анлайн.
Чытаць дыктоўку будзе Аліна Коўшык.
Кракаў
Беларуская дыктоўка з Андрусём Такіндангам, 25 лютага
Усе ўдзельнікі атрымаюць сувеніры на памяць, а пакуль дыктоўкі будуць правяраць, музыка Андрусь Такінданг зайграе лямпавы канцэрт! Удзел — 20 злотых на месцы гатоўкай.
Рэгіструйцеся па спасылцы!
Украіна
У праграме: выступ-размова з Алесем Мінавым; музыка ад Аляксея Шкурапацкага з FRAM; квіз на тэму беларушчыны; чытанне вершаў; спевы. Абяцаюць тую самую атмасферу добрага беларускага кватэрніка.
Чэхія
Прага
Беларускі інстытут у Празе ладзіць прамую трансляцыю арфаграфічнага конкурса «Беларуская дыктоўка», які ладзіць кафедра беларусістыкі Варшаўскага ўніверсітэта разам з Беларускім моладзевым хабам і Беларускім домам у Варшаве.
Уваход вольны!
Гданьск
Беларусы Гданьска пішуць Беларускую дыктоўку, прымеркаваную да Дня роднай мовы. Падрабязнасці тут.
Люблін
Беларускае таварыства «Досвед» зладзіць беларускую дыктоўку ў Любліне.
Тэкст дыктоўкі прачытае Наталля Русецкая, выкладчыца Універсітэта Марыі Складоўскай-Кюры. Пераможцы атрымаюць прызы!
Уваход вольны.
ЗША
Філадэльфія
Дзень роднай мовы ў Філадэльфіі
У Belarus Community Center будзе сустрэча-лекцыя «Гісторыя беларускай мовы: ад паходжання да сучаснасці». Вы даведаецеся, як нарадзілася і змянялася наша мова, якія выдатныя беларусы судзейнічалі яе распаўсюджванню, пачуеце шмат прыгожых беларускіх песень і вершаў, скарыстаецеся магчымасцю пагутарыць з землякамі і знайсці новых сяброў. Прыходзьце таксама напісаць мінідыктоўку і праверыць, ці добра вы валодаеце роднай мовай. Хто напіша без памылак ці з найменшай іх колькасцю — атрымае падаруначак!
Канада
Анлайн-сустрэча да Дня роднай мовы
Беларусы Канады запрашаюць на сяброўскую анлайн-гутарку, каб разам паразмаўляць па-беларуску: расказаць пра свае хобі, любімыя кнігі, распавесці цікавую гісторыю, пачытаць вершы ці паспяваць.
Эстонія
Тарту
Дзень роднай мовы ў Тарту
Беларусы Эстоніі збіраюцца на сустрэчы ў Тарту, каб адзначыць Дзень роднай мовы. Што будуць рабіць? Бавіць час ва ўтульнай вечаровай атмасферы, слухаць і чытаць вершы і прозу на беларускай мове, спяваць, гуляць у квіз ды розныя гульні, піць гарбатку і гутарыць. Прыводзьце дзетак! Усім будзе цікава!
Больш беларускіх падзеяў шукайце ў нашай Афішы.
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
Карыстацца ім вельмі проста: выбірайце той ці іншы горад або ўсю краіну, падпісвайцеся асобна на ўсе анлайн-мерапрыемствы ці выбірайце варыянт all inclusive — усе беларускія падзеі свету (у тым ліку і анлайн-мерапрыемствы). А пасля — сачыце за беларускім дзвіжам і далучайцеся!
