У Турыне завершыўся першы паўфінал «Еўрабачання-2022». Budzma.org падрыхтаваў адказы на тры пытанні, якія хвалююць гарачых прыхільнікаў музычнага конкурсу.
Чаму беларусам не паказваюць «Еўрабачанне»?
Беларусь не ўдзельнічае ў конкурсе з мінулага года, калі Еўрапейскі вяшчальны саюз прыпыніў сяброўства Белтэлерадыёкампаніі ў арганізацыі. Прычына — рэпрэсіі супраць мірных дэманстрантаў. Расію выключылі з арганізацыі з-за вайсковай агрэсіі ў бок Украіны. Таму ні ў Беларусі, ні ў Расіі конкурс па тэлебачанні не паказваюць. Глядзець «Еўрабачанне» можна на афіцыйным ютуб-канале конкурса, але галасаваць нельга.
«Еўрабачанне» апалітычнае?
Конкурс «Еўрабачанне» прытрымліваецца правілаў апалітычнасці, але правілы не забараняюць выканаўцам у зносінах з журналістамі і ў сацыяльных сетках адкрыта выказваць свае погляды. Шэраг удзельнікаў конкурсу падтрымліваць Украіну і выступаць з асуджэннем расійскага ваеннай агрэсіі.
Некаторыя артысты адкрыта гавораць: яны будуць радыя, калі ўкраінскія прадстаўнікі перамогуць на конкурсе, бо сёння краіне патрэбна падтрымка ўсюды і ва ўсіх сферах, у тым ліку — увага свету.
У фінале зноў на сцэну выйдзе гурт Måneskin, які перамог на «Еўрабачанні» летась. Яны напісалі песню з заклікам адмовіцца ад куплі расійскіх нафты і газу і неаднаразова заклікалі падтрымаць Украіну.
Ці дазволяць арганізатары конкурсу гурту выканаць гэтую кампазіцыю — невядома.
Украіна пераможа?
Букмекеры прагназуюць першыя месцы Украіне, Італіі і Вялікабрытаніі. Украінскі гурт Kalush Orchestra ўжо прайшоў у паўфінал, зала вітала ўкраінскіх музыкаў стоячы. Акрамя Украіны, у паўфінал трапілі Швейцарыя, Арменія, Ірландыя, Літва, Партугалія, Нарвегія, Грэцыя, Малдова, Нідэрланды. Другі паўфінал адбудзецца ў чацвер, 12 мая. Украініскія музыкі заявілі: «Калі выйграем у фінале Еўрабачання 2022 — выставім статуэтку пераможцаў на дабрачынным аўкцыёне, а грошы аддадмо на патрэбы Украіны». Пераможцу музычнага конкурсу выберуць галасаваннем гледачоў і прафесійнага журы ў гэтую суботу, 14 мая.
АМ, Budzma.org