Будзьма беларусамі! » Фотатэрапія. Фарбы восені ў Лошыцы

Лошыцкі парк у кастрычніку цудоўны ў любое надвор’е. Спяшайцеся пашамацець лістотай!

Сапраўднае восеньскае надвор’е і заўважна карацейшыя дні зусім не нагода сядзець дома. Лошыцкі парк вабіць сваёй прыгажосцю ў любое надвор’е. Спяшайцеся пашамацець лістотай, пачаставаць гарэзлівых вавёрак і проста атрымаць асалоду ад фарбаў і пахаў перадлістападаўскай пары.

А хтосьці можа папоўніць хатнія прыпасы — у Лошыцкім парку ёсць яблыневы сад. Абавязкова бярыце з сабой тэрмас з гарбатай, альбо зайдзіце ў адну з кавярань парка — там ужо пачаўся сезон глінтвейну.