Гурт Sož выпусціў новы сінгл «Eras i Tanatas» — змрочнае падсумаванне году ці нават некалькіх гадоў беларускага жыцця.
Гэта першы сінгл пасля выхаду дэбютнага ЕР «Apošnija Tancory», які пабачыў свет напрыканцы 2022 года.
У «Eras i Tanatas» музыкі Іван Марозька, Андрэй Пячынскі і Павел Шыбенскi працягваюць спалучаць гітарны саўнд з сінтэзатарамі і драм-машынамі, а ўсе гэта — з вершамі фронтмэна гурта, паэта Алеся Плоткі.
Слухайце «Eras i Tanatas» на розных лічбавых пляцоўках.
Гурт Sož быў створаны гомельскімі музыкамі ў гістарычным 2020 годзе. Пасля дэбютнага сінгла і кліпа «Malako» гурт быў фактычна пастаўлены на паўзу і аднавіўся ўжо ў эміграцыі ў Варшаве.
