Грамадскія арганізацыі, якія працуюць у сферы нефармальнай і грамадзянскай адукацыі выступілі з ініцыятывай правядзення IV Тыдня нефармальнай адукацыі і асветы “БЕЛАРУСЬ СУЧАСНАЯ”, які адбудзецца 6-14 снежня 2008 г. у розных гарадах Беларусі ў межах кампаніі “Будзьма!”.

Сучасная Беларусь шматаблічная: і менавіта, cфарміраваўшы ўяўленне пра рознасць падыходаў, поглядаў, творчых ідэй, убачыўшы сённяшнюю сітуацыю ў развіцці, можна атрымаць найбольш поўнае ўяўленне аб краіне і ўбачыць яе як неад’емную частку сучаснай Еўропы.

Мэтай тыдня з’яўляецца прыцягненне ўвагі да ролі нефармальнай адукацыі ў развіцці чалавечага, грамадскага, нацыянальнага і міжкультурнага патэнцыялу краіны і яе грамадзян.

Арганізатары Тыдня ў Мінску запланавалі правядзенне шэрагу дыскусійных і прэзентацыйных мерапрыемстваў, сярод якіх

•паседжанне навуковага кафэ “Адукацыя дарослых”, прысвечанае абмеркаванню праекта Кодэкса аб адукацыі (сумесна з Мінскім міжнародным адукацыйным цэнтрам імя Йаханеса Рау, 10 снежня 2008),

•прэзентацыя выданняў, інфармацыйных і метадычных рэсурсаў (сумесна з Навукова – педагагічнай бібліятэкай, 12 снежня 2008),

•фотавыстава “Пра адукацыю – нефармальна!” (месца правядзення ўдакладняецца, 13 снежня 2008),

•Фестываль навучальных гурткоў (ІВВ/ММАЦ ім. Й.Рау, 14 снежня 2008)

Падчас Тыдня запланавана больш за 10 мерапрыемстваў для самых розных мэтавых груп, якія пройдуць у гарадах Беларусі пры ўдзеле прадстаўнікоў грамадскіх і дзяржаўных адукацыйных і асветніцкіх устаноў.

Запрашаем усіх зацікаўленых прыняць удзел у мерапрыемствах, сустрэчах, вечарынах, круглых сталах, акцыях у межах IV Тыдня нефармальнай адукацыі і асветы.

Дадатковую інфармацыю знойдзеце на сайце: www.adukatar.net

Кантакт па электроннай пошце:
tydzen2008@gmail.com

План мерапрыемстваў

ў межах Тыдня нефармальнай адукацыі і асветы  2008

“Беларусь сучасная”

(6-14 снежня 2008)

Тэгі: Мінск