Ліпень — месяц шчаўя, калі вы адпачываеце на лецішчы ці ў вёсцы, а ў вас на агародзе расце зеляніна і ёсць маладая бульба — парадуйце сваіх блізкіх і сяброў халодным шчавелевым супам. Гэтая страва спаталяе смагу і ратуе ад спёкі.
Суп, які спаталяе смагу
Халодныя супы беларусы елі здаўна ў летнюю пару. Некаторыя рэцэпты нават фіксавалі ў сваіх творах пісьменнікі. Адам Міцкевіч зафіксаваў у сваім «Пане Тадэвушы» рэцэпты халодных супоў. Такія стравы былі папулярныя не толькі сярод простых людзей, але і шляхты. У заможных шляхцічаў ці магнатаў былі нават свае «лядоўні» — адмысловыя сутарэнні, дзе нават летам захоўвалі лёд, назапашаны ўзімку. Лёд гэты дадавалі ў спёку ў халодныя супы, у тым ліку і ў шчавелевы.
Лісты шчаўя трэба прамыць, насячы ўздоўж і ўпоперак, праварыць 5 хвілін у кіпні і пасаліць. Бульбу парэзаць кубікамі і зварыць. Можна варыць бульбу і цэлай, але такім чынам яна гатуецца хутчэй. Парубіць цыбулю і кроп дробна. Натаркаваць агуркі на сярэдняй тарцы. Пакласці ўсё ў міску, заліць астылым шчаўем і дадаць лыжку смятаны. Суп мусіць настаяцца каля 2 гадзін, за гэты час можна зварыць яйка і дадаць яго ўжо ў насычаны суп.
Нам спатрэбяцца на чатыры порцыі:
Шчаўе — 300 грамаў
Агурок — 4 штукі
Зялёная цыбуля — пук
Кроп — пук
Вада — 2 літра
Бульба — 600 грамаў
Адно яйка на порцыю
Больш рэцэптаў серыі «Гатуем з "Будзьма"» глядзіце тут.
