Гурт Naviband выклаў у сеціва новы кліп на сваю песню «Мама», якая выйшла яшчэ ў мінулым годзе.
«За мінулы год, вядома, гэтая песня стала для нас вельмі важнай, і думка выпусціць на яе кліп не адпускала», — кажа Арцём Лук’яненка.
Таксама стала вядома, што сацсеткі гурта Naviband, які ў 2017 годзе прадстаўляў Беларусь на «Еўрабачанні» з кампазіцыяй на беларускай мове, прызналі «экстрэмісцкімі». Пад забарону патрапілі старонкі ў Facebook і Instagram, а таксама асабісты акаўнт салісткі Ксеніі Жукавай.
