Амерыканскi савет навуковых таварыстваў (АСНТ) абвяшчае конкурс на атрыманне кароткатэрміновых грантаў у сферы гуманітарных навук у 2009–2010 навучальным годзе. Рашэнні пра прадстаўленне грантаў будуць прымацца на падставе ананімнага рэцэнзавання (peer review) пісьмовых заявак незалежнай камісіяй, якая складаецца з аўтарытэтных навукоўцаў з Беларусі, Расіі, Украіны і заходніх краін. Грантамі будзе адзначацца выдатная навуковая праца, якая стымулюе і ўзмацняе працу іншых. Доўгатэрміновая мэта гэтай праграмы – забяспечваць устойлівае развіццё навуковай працы ў гуманітарнай сферы ў Беларусі, Расіі і Украіне.
Права на ўдзел у конкурсе – Удзельнік конкурсу:
– павінен мець кандыдацкую ступень або прадэманстраваць адпаведны прафесійны вопыт
– павінен быць грамадзянінам і пастаянна пражываць у Беларусі, Расіі ці Украіне
– валоданне ангельскай мовай НЕ ПАТРАБУЕЦЦА
– сродкі можна выкарыстоўваць ў межах рэгіёну, не дзеля вандровак ці пражывання за яго межамі
– удзел у конкурсе не могуць браць папярэднія атрымальнікі грантаў АСНТ; тыя ж, хто звяртаўся раней, але не атрымаў падтрымкі, запрашаецца да удзелу зноў.
Права на ўдзел у конкурсе – Дысцыпліны:
Прымальнымі з’яўляюцца ўсе гуманітарныя дысцыпліны і тэмы, такія як гісторыя, літаратура, мовы і мовазнаўства, філасофія, культуралогія, рэлігіязнаўства, мастацтвазнаўства (выяўленчае і выканаўчае), гендэрныя даследаванні і інш. Праекты па сацыяльных навуках, такіх як паліталогія, сацыялогія, эканоміка, міжнародныя адносіны i псiхалогiя, разглядацца не будуць, за выключэннем тых выпадкаў, калі даследаванне грунтуецца на вывучэнні гісторыі ці культуры і выкарыстоўвае якасныя метады.
Права на ўдзел у конкурсе – Тыпы праектаў:
– архіўныя ці палявыя даследаванні з мэтай публікацыі вынікаў у выглядзе кнігі-манаграфіі, збораў крынiц або іншай значнай навуковай прадукцыi
– праца над архіўнымi ці музейнымi калекцыямi, скіраваная на тое, каб зрабiць iх больш карыснымi для канкрэтных даследчых праектаў
– запрашаем калектыўныя праекты (адзін з удзельнікаў падае заяўку ад імя ўсёй групы на ўмовах, згаданых у заяўцы)
Форма заяўкі на ўдзел у конкурсе 2009–2010 будзе размешчана на сайце ACLS у верасні 2009:
http://www.acls.org/programs/hp
Запоўненая заяўка павінна быць атрыманая АСНТ не пазней за 17 лістапада 2009 году.
Канчатковы памер грантаў будзе залежыць ад наяўнасцi сродкаў i складзе, як чакаецца, каля
чатырох тысяч даляраў. Афіцыйныя паведамленні аб прадстаўленні ці непрадстаўленні грантаў
будуць дасылацца авіяпоштай у траўні 2010 году.
Па агульную iнфармацыю аб праграме, калi ласка, звяртайцеся на наш сайт:
http://www.acls.org/programs/hp
Humanities Program in Belarus, Russia, and Ukraine
American Council of Learned Societies, 633 Third Avenue, New York, NY 10017-6795, USA
Tel.: 1-212-697-1505, fax: 1-212-949-8058, e-mail inquiries: hp@acls.org
