Пра хуткі выхад кнігі ў выдавецтве «Slowianka» напісаў Аляксандр Ждановіч на сваёй старонцы ў Фэйсбук. Ужо зараз можна зрабіць перадзамову на кнігу «Кропля ў космасе».
«Вой-ёй-ёй...Дрыжыкі... Вось не думаў стаць п і с ь — п і с ь — м е н н і к а м у свае 100 гадоў. Хі-хі...Гонар мяне так і распірае... Ну, як ты, браце Хэм?! І так па-свойскі яго па плячы папляскаць! Мы з ім на сяброўскай назе...
Карацей, народ, налятайце:
Перадзамова адкрытая!
Падтрымай хуткі выхад кнігі!
Пра што мараць хлопчыкі і дзяўчаткі? Пра порцыю смачнага марозіва? А можа, пра новы смартфон ці камп’ютарную гульню? А ці ведаеце вы, пра што марыла адна гарэзлівая дажджавая Кропля, калі ляцела са страшэннай вышыні на зямлю? Даведаецеся пра гэта прачытаўшы казку «Кропля ў космасе». Напісаў яе адзін чароўны дзядзька, які так даўно жыве на свеце, што, калі вашыя мамы і таты былі такія, як вы цяпер, ён ужо расказваў ім казкі перад сном! Бо жыццё — гэта цуд! Як добрая казка!
Ваш Маляваныч.
Асаблівая падзяка выдавецтву Slowianka, спадарыне Вользе Татарчык, цудоўнай казачнай мастачцы Эльге Паповай і ўсёй нашай камандзе! Люблю!», — напісаў Аляксандр Ждановіч.
Аформіць папярэдні заказ на кнігу можна па спасылцы.
Планаваная дата друку і дастаўкі кнігі: люты 2024 г.
