Калі вы раптам яшчэ не вызначыліся, як цікава і з карысцю правесці выходныя, мы падкажам. Майстар-клас, выставы, шпацыры ў гарадах Беларусі, канцэрт у познані, монаспектакль у Варшаве, бітва дранікаў у Вашынгтоне — выбірайце мерапрыемствы ў сваім горадзе і на свой густ!
Беларусь
Мінск
«Сустрэча з шахматнай казкай» у Мінску
На творчай сустрэчы будзе чытанне казкі, маляванне прынцэсы Агнэсы і яе казачнага каралеўства, а таксама гульня з шахматнымі фігурамі.
Падрабязней тут.
Майстар-клас «Выцінанка. Калядны дэкор» у Мінску
Пад пільным кіраўніцтвам мастачкі, арт-тэрапеўткі і народнага майстра выцінанкі Наталлі Сухой вы даведаецеся пра гісторыю і асаблівасці беларускай выцінанкі, навучыцеся выразаць прыгожыя (!) сняжынкі і гірлянды з паперы, створыце прыгожы дэкор на вокны па аўтарскіх лекалах, а таксама атрымаеце сапраўдную арт-медытацыю! Прыходзьце! Будзе цікава!
Гродна
Сентыментальны шпацыр па габрэйскай Гародні
Вас чакае экскурсія па малавядомых месцах горада, сінагога, музей гісторыі рэлігіі і дэгустацыя страў габрэйскай кухні.
Падрабязней тут.
Польшча
Познань
Зміцер Вайцюшкевіч у Познані
Сціплы і непераўзыдзены Зміцер Вайцюшкевіч грае восеньскі лямпавы канцэрт толькі для сваіх у Познані. Будзе прэзентацыя новага альбома «Вецер».
Падрабязней тут.
Кракаў
Беларускамоўны шпацыр па Кракаве
Беларускамоўны шпацыр мае наступны маршрут: Вавель — Каралеўскі шлях — Рынак — Тэатр Славацкага і яшчэ маленечкія цікавостачкі. Будзе цікава! Далучайцеся!
Падрабязней тут.
«Помста» ў Варшаве
«Ішоў 1864 год... На прасторах Буйной Імпэрыі яшчэ нядаўна палыхала чацьвёртае Вызваленчае Паўстанне...»
Нічога не нагадвае? Фурманка нашае Гісторыі завязла ў бруднай лужыне. Кожнае кола праварочваецца на месцы ў сьмярдзючай вадзе з імперскага усходу. Кожныя 30-40 год, цягам апошніх трох стагодзяў, мы спрабуем вырвацца з гэтага бруду. Нехта скараецца, нехта сыходзіць з возу, а нехта збіраецца з сіламі дзеля новай спробы.
Помста — гэта не мэта. Помста — доказ сабе, што ты яшчэ здольны. Помста — першы крок з цемры паразы і сутарэння адчаю. А ці зможам зрабіць наступныя?..
Прыходзьце паглядзець монаспектакль паводле апавяданняў В.Шэрага.
Літва
Вільня
Тое, пра што вы здагадваліся, але не знаходзілі аргументаў. Сяргей Абламейка ў Вільні
Аўтар эўрыстычных кніг «Нечаканы Скарына», «Каліноўскі і палітычнае нараджэнне Беларусі», «Невядомы Менск. Гісторыя знікнення», «Чаму Беларусь не Расія» — адкажа на ўсе вашыя пытанні пра гісторыю і беларушчыну.
Падрабязней тут.
ЗША
Вашынгтон
Бітва Дранікаў у Вашынгтоне
Вясёлыя конкурсы для дарослых і дзяцей, гарачыя і халодныя напоі, тадыцыйныя закускі і пачастункі, дэсерты...Ну і канешне... БІТВА ДРАНІКАЎ – кожны можа паўдзельнічаць і даказаць, што ён лепшы кухар драніка!
Падрабязней тут.
Больш беларускіх падзеяў шукайце ў нашай Афішы.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам». Вось, да пракладу, некалькі магчымых варыянтаў, куды варта з’ездзіць і што паглядзець:
7 цудаў Лунінеччыны
7 цудаў Шаркаўшчыны: гайд ад «Будзьма!»
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
Карыстацца ім вельмі проста: выбірайце той ці іншы горад або ўсю краіну, падпісвайцеся асобна на ўсе анлайн-мерапрыемствы ці выбірайце варыянт all inclusive — усе беларускія падзеі свету (у тым ліку і анлайн-мерапрыемствы). А пасля — сачыце за беларускім дзвіжам і далучайцеся!
А па гэтай спасылцы можна знайсці афішу бясплатных мерапрыемстваў.
