Калі вы раптам яшчэ не вызначыліся, як цікава і з карысцю правесці выходныя, мы падкажам. Шпацыр, майстар-класы, канцэрты ды выставы, спектаклі — выбірайце мерапрыемствы ў сваім горадзе і на свой густ!
Крыніца: postmania.ru
Беларусь
Мінск
Вас чакае захапляльны містычны спектакль, поўны цудоўных метамарфозаў, бліскучага гумару і сапраўдных страшылак. Перанесціся ў атмасферу англійскага замка і разгадаць усе яго таямніцы будзе цікава і дзеткам, і іх бацькам.
Прысвечана выстава трываламу сяброўству двух беларускіх літаратараў — Петруся Броўкі ды Пятро Глебкі. Пра трох сяброў — Петруся Броўку, Пятра Глебку і Кандрата Крапіву — хадзіў жарт, які ўспамінала Ларыса Александроўская: «Скажаш: «Не ідзі па глебцы, а ідзі па броўцы!» — і абодва Петрусі рагочуць, а дадасі яшчэ: «...і сцеражыся крапівы», і ўжо весела смяюцца ўсе ўтрох, з Кандратам Кандратавічам».
Гродна
У суботу, 21 студзеня, Музей гісторыі рэлігіі кліча на экскурсію «Ад Рэйна да гродненскіх берагоў», прысвечанай нямецкім жыхарам Гародні. Шпацыруючы па Гародні, вы даведаецеся:
Чаму самыя лепшыя прысмакі прадавалі ў аптэцы?
Які нямецкі архітэктар будаваў Новы Замак?
Дзе знаходзілася першая ў горадзе кавярня?
А яшчэ ў праграме:
Дэгустацыя сапраўднага венскага штрудзеля.
Канцэрт арганнай музыкі ў кірхе. Прыходзьце! Будзе цікава!
Чэхія
Прага
Чаму менавіта калыханкі? Бо родная мова і мелодыі засвойваюцца бадай найлепш ад самага нараджэння. Яны простыя ў развучванні нават для людзей без досведу традыцыйных спеваў. То прыходзьце спяваць! Запрашаюцца і жанчыны, і мужчыны.
Польшча
Беласток
21 студзеня, у гонар 160-годдзя ад пачатку паўстання Каліноўскага беларускі фрык-тэатр «Ex tempore» паўтарае свой монаспектакль «Помста» ў Беластоку.
Варшава
Спектакль расказвае пра дзяцей з акупаваных тэрыторый Украіны, якія перажываюць вельмі цяжкія часы. З-за акупацыі і абстрэлаў дзеці засталіся без простых рэчаў — дамоў, магчымасці гуляць у звычайныя дзіцячыя гульні, а самае галоўнае — бацькоўскага цяпла.
Кракаў
У межах фестывалю адбудзецца сустрэча з пісьменнікам і гісторыкам Уладзімірам Арловым, які прэзентуе свае найноўшыя кнігі і раскажа пра таямніцы творчасці. Таксама будзе працаваць Кніжны Кірмаш, удзел у якім возьмуць розныя беларускія кнігарні і выдавецтвы: будуць і Kamunikat.org, і «Мова Вольных». Абяцаюць выступы пісьменнікаў ды выдаўцоў нон-стоп, а таксама два канцэрты Вольнага Хору.
Канада
Таронта
Абяцаюць ачмурэнны святочны інтэрактыў з гульнямі, танцамі, спевамі і, вядома ж, святочным сталом для дзяцей і дарослых. А праз унікальны абрад «Жаніцьба Цярэшкі», такі традыцыйны беларускі ціндар, можна будзе весела з усімі перазнаёміцца і, можа, знайсці сабе пару.
Германія
Берлін
У гэтым дуэце Света адказвае за вершы і музыку, а Галя — майстрыня аранжыровак і гукарэжысуры. Першапачаткова шоу называлася «Mirrorball» у гонар самай першай песні, якую разам напісалі паненкі летам 2021 года ў Берліне. А напярэдадні Новага года яны выпусцілі і першы сумесны альбом альбом «Прыём!» То вы не можаце гэта прапусціць!
Літва
Вільня
Абяцаюць і старыя хіты, і новыя, зусім невядомыя, нікім не чутыя песні, створаныя пасля 24 лютага.
Больш беларускіх падзеяў шукайце ў нашай Афішы.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам».
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
Карыстацца ім вельмі проста: выбірайце той ці іншы горад або ўсю краіну, падпісвайцеся асобна на ўсе анлайн-мерапрыемствы ці выбірайце варыянт all inclusive — усе беларускія падзеі свету (у тым ліку і анлайн-мерапрыемствы). А пасля — сачыце за беларускім дзвіжам і далучайцеся!
А па гэтай спасылцы можна знайсці афішу бясплатных мерапрыемстваў.Больш беларускіх падзеяў шукайце ў нашай Афішы.
