Гэта лекцыя дапаможа сучасным жанчынам перанесціся на сотню гадоў у мінулае і адчуць на сабе подых часу і эстэтыку беларускага народнага ўбрання, паведамляе Tradycyja.
Такі ўбор лічыцца агульнаславянскім, але да пачатку ХХ стагоддзя захаваўся амаль што толькі на тэрыторыі Беларусі. Ён набыў на нашай зямлі вельмі разнастайныя формы, якія надавалі мясцовую адметнасць усяму строю жанчыны.
Лектар — кандыдат мастацтвазнаўства Марыя Віннікава.
Інтэрактыўная імпрэза адбудзецца 14 кастрычніка а 17-й гадзіне ў залах выставы «Жаночы Род», па адрасе К. Маркса, 24.
Папярэдняя рэгістрацыя не патрабуецца. Наведванне мерапрыемства па ўваходным білеце ў выставачны корпус музея.
