Лятучы прапаноўвае новы фармат публічных сустрэч: Цыкл адкрытых лекцый выкладчыкаў універсітэта “Галоўнае пытанне”
У Лятучым універсітэце на днях афіцыйна распачаўся новы ўніверсітэцкі год – ужо пяты па ліку. Праграма ў гэтым годзе надзвычай цікавая і разнастайная – вядомыя інтэллектуалы, культурныя дзеячы прапануюць пазнаёміцца з рознымі падыходамі і практыкамі мыслення праз наведванне сваіх аўтарскіх курсаў лекцый, удзел у школах і семінарах. Запісацца на курсы можна да 25 верасня, запоўніўшы спецыяльную форму на сайце Лятучага.
А пакуль арганізатары прапануюць усім зацікаўленым справай Універсітэта і мыслення разам бліжэй пазнаёміцца з некаторымі выкладчыкамі. Напрацягу цэлага месяца слухачы будуць мець мажлівасць наведаць “адкрытыя лекцыі” вядомых беларускіх інтэлектуалаў – сябраў калегіума Лятучага ўніверсітэта. Цыкл лекцый пад агульнай назвай “Галоўнае пытанне” прадстаўляе сабой дзевяць публічных выступаў, у якіх прамоўцы разважаюць над самымі рознымі сацыяльнымі, гуманітарнымі і культурнымі праблемамі, якія з’яўляюцца сёння кропкай прыцягнення інтэлектуальных высілкаў.
Уладзімір Мацкевіч «Мир на ладони». И что это значит для образования”
Ірына Дубянецкая “Старажытныя цывілізацыі і сучаснае канструяванне сэнсаў”
Зміцер Майбарада «Смерть философии: судьба философствования в современной культуре»
Алесь Смалянчук “Жыццяпіс Рамана Скірмунта як выклік для гісторыка”
Міхал Анемпадыстаў “Межы памежжа”
Павал Баркоўскі «Возможна ли социальная аналитика сегодня»
Вячаслаў Бабровіч «Жертвы информационной войны: кто и почему (размышления по поводу украинских событий)»
Алег Дзярновіч «Ethnoi ці gentes? Феномен этнічнасці ў Сярэднявеччы”.
Андрэй Ягораў «Состояние современной белорусской аналитики»
Запрашаем усіх жадаючых далучыцца да пошуку адказаў на паднятыя пытанні. Каб патрапіць на лекцыі, трэба зарэгістравацца праз электронную ФОРМУ ці напісаўшы на адрас flyuniby@gmail.com і пазначыўшы тыя лекцыі, якія Вы жадаеце наведаць. Тым, хто зарэгістраваўся, будзе дасланая больш дакладная інфармацыя пра месца правядзення лекцыі.
Усе лекцыі будуць адбывацца ўвечары, пасля 18 гадзінаў.
Найбольш дакладную і актуальную інфармацыю пра ўсе мерапрыемствы і навіны Лятучага можна знайсці на нашым сайце: https://fly-uni.org
