7 жніўня 2024 выйшаў у свет новы мабільны дадатак пад назвай «Віт!», які дапаможа беларусам знаёміцца і ствараць сувязі.
![Dadatak dla znajomstvaŭ Dadatak dla znajomstvaŭ](/upload/medialibrary/9a3/aw22ld1fla11ju59n12nj53bexkmn2yp.jpg)
Для каго гэты дадатак?
«Віт!» створаны адмыслова для беларусаў.
Жыхарам дыяспары ён можа дапамагчы пазнаёміцца з суседзямі-беларусамі, знайсці сяброў для дзіцяці, ці кампанію для сумесных актыўнасцяў (пакатацца на ровары, схадзіць у грыбы).
У Беларусі з дапамогай дадатку можна знайсці кампаньёнаў для практыкі беларускай мовы. Таксама ёсць мапа устаноў, дзе вас дакладна абслужаць па-беларуску. З цягам часу мапа будзе пашырацца.
Таксама даступныя і рамантычныя знаёмствы.
Гісторыя стварэння
Ідэя дадатку нарадзілася на пачатку 2024 года, калі ў СМІ актыўна ўзгадвалася патрэба ў «беларускім Ціндары». Праца была пачата ў сярэдзіне красавіка 2024 года, і праз тры з паловай месяцы дадатак быў гатовы.
«Бэта-тэставанне праводзілася як сярод беларусаў у Беларусі, так і сярод дыяспары. Мы атрымалі шмат водгукаў і пажаданняў, якія былі ўлічаны пры распрацоўцы канчатковай версіі», — кажуць сваральнікі дадатку.
Асаблівасці дадатку
- Інтэрфэйс цалкам на беларускай мове
- Бясплатны доступ да ўсіх функцый
- Спіс і карта беларускамоўных устаноў, якая з цягам часу будзе пашырацца.
Планы на будучыню
Аўтары дадатку галоўнай задачай на бліжэйшчы час бачаць неабхонасць набраць пэўную колькасць аўдыторыі і звяртаюцца да самых хуткіх карыстальнікаў, якія зарэгіструюцца першымі:
«Калі ласка, не здзіўляйцеся напачатку пабачыць нешматлікую колькасць людзей са свайго горада, проста трошачкі пачакайце. Таксама вы можаце паскорыць працэс калі распаўсюдзіце інфармацыю пра «Віт!» непасрэдна ў сваёй лакацыі.
Што будзе далей, у якім накірунку будзе рухацца праект — цалкам залежыць ад карыстальнікаў. Мы будзем збіраць зваротную сувязь і рэагаваць адпаведна».
Як падтрымаць праект
Карыстальнікі, якім дадатак прынясе карысць, ці проста спадабаецца ідэя, могуць аддзячаць фінансава.
Аднаразовы унёсак складае ўсяго 1 еўра, а падпіска — 0.5 еўра.
Спампаваць дадатак
iOS https://apps.apple.com/us/app/віт/id6504729186
Android https://play.google.com/store/apps/details?id=com.datingby.mobile
Для атрымання дадатковай інфармацыі і тэхнічнай падтрымкі можна звязацца з камандай праз тэлеграм-бот тэхнічнай падтрымкі https://t.me/vit_app_bot .