Беларускія творцы штодня выказваюцца супраць войсковай агрэсіі Расіі ў бок Украіны: літаратары пішуць эсэ і вершы, музыкі – песні, а мастакі і дызайнеры ствараюць антываенныя выявы або робяць перформансы. Budzma.org прадстаўляе падборку рэакцый творцаў супраць вайны.

Гродзенская мастачка Валянціна Шоба намалявала ў сябе на левай далоні знак міру, правай рукой, на тле сваёй тэмачытнай карціны, мастачка паказвае сваё негатыўнае стаўленне да вайны.

«Вось прашу міра як жабрачка на дзядзінцы, але не чуюць і не даюць, але нават мяне, з маімі малітвамі можна давесці да краю... » – напісала Валянціна Шоба.

Мастак і дызайнер Алесь Сураў выклаў плакат на сваёй старонцы ў Facebook, дзе сцвярджае, што больш няма «рускага міра», ёсць толькі «руская вайна».

Графік Юрый Якавенка выступіў супраць вайны ва Украіне: «Я патрабую выхаду расійскіх войскаў з тэрыторыі Беларусі. Я хачу, каб мая краіна стала тэрыторыяй бяспекі і не прымала ўдзелу ў агрэсіі супраць Украіны», – піша мастак на сваёй старонцы. Аналагічны допіс зрабіў у сябе на старонцы вядомы мастак-манументаліст Сяргей Грыневіч.

Мастачка Дар’я Цемра на пачатку вайны знаходзілася ў Кіеве, але была вымушана эвакуявацца ў Польшчу. Дар’я рэагуе на ваенные падзеі шматсэнсоўнай карцінай.

Сусветнавядомы дызайнер Уладзімір Цэслер заўсёды востра рэагуе на тыя ці іншыя падзеі ў Беларусі і свеце тэматычнымі плакатамі. На гэты раз дызайнер стварыў працу «Не маўчыце!».

Дызайнер Дзмітрый Сурскі выклаў на сваёй старонцы плакат, які стварыў яшчэ на пачатку сваёй кар’еры: «У далекім 84-м годзе, калі ствараўся гэты плакат, я не мог сабе ўдакладніць, што вайна на маім жыцці можа стаць рэальнасцю... Божа, барані Украіну!».

Графік і мастак Павел Татарнікаў выклаў на сваёй старонцы карціну «Пакацігарошак, Вярнідуб і Вярнігара супраць Цмока», твор сімвалізуе змаганне святла з сіламі зла.