“Хронікі” — гэта гісторыя Беларускага інстытуту навукі і мастацтва, расказаная моваю дакументаў: лістоў, успамінаў з архіваў двух старшыняў БІНІМу: Вітаўта Тумаша і Вітаўта Кіпеля.
Кнігу прэзентавалі аўтарка Наталля Гардзіенка і Вітаўт Кіпель — адзін з герояў кнігі.
У сваім выступе Наталля адзначыла, што БІНІМ — гэта тая арганізацыя, якая цягам 65 гадоў аб’ядноўвала беларускіх навукоўцаў, пісьменнікаў, мастакоў, якія апынуліся на эміграцыі, і давала ім магчымасць працягваць навуковую і творчую працу.
Вітаўт Кіпель падзяліўся ўспамінамі аб сваёй дзейнасці на пасадзе старшыні, пра плён працы інстытуту за 65 гадоў.
