Калі вы раптам яшчэ не вызначыліся, як цікава і з карысцю правесці выходныя, мы падкажам. Дзень Касцюшкі, майстар-класы, канцэрты ды выставы, этнаспевы і тэматычныя вечарыны — выбірайце мерапрыемствы ў сваім горадзе і на свой густ!
Крыніца: market.yandex.ru
Беларусь
Мінск і Мінская вобласць
З 4 лютага Нацыянальны цэнтр сучасных мастацтваў і галерэя FARBA адкрыюць новы праект «Штучны інтэлект: мастак ці машына?» — адну з самых інавацыйных мастацкіх выставак, якая з’явіцца ў Мінску ў 2023 годзе. Экспазіцыя характэрна тым, што прадстаўленыя работы поўнасцю створаны штучным інтэлектам. Публіцы будзе прадэманстравана рэвалюцыйная калекцыя з больш чым 90 работ у 10 розных катэгорыях, якія ахопліваюць многія аспекты нашага светабудовы, такія як прырода, міфалогія, гісторыя, архітэктура і многія іншыя.
Дужа сардэчны майстар-клас па выцінанцы ў Мінску
У нядзелю, 5 лютага, у майстэрні «Ярна» — файны майстар-клас па выцінанцы, прымеркаваны да Дня закаханых.
Сышоў час зімовых святаў, але гэта не прычына для таго, каб нудзіцца і заставацца дома. Таму прапануем вам бавіць выходныя з Дукорскім маёнткам! Завітвайце! Будзе цікава!
Віцебск і Віцебская вобласць
Спадар Андрэй — кіроўца з Новалукомля, які шмат гадоў вяжа кручком сурвэткі і іншыя вырабы.
І на выставе можна пабачыць больш за 100 ягоных твораў, звязаных кручком.
Літва
Вільня
Вам не будуць расказваць, што беларуская мова ўзнікла натуральна і мае багатую гісторыю, што зусім нядаўна на ёй размаўляла абсалютная большасць насельніцтва Беларусі і г.д. Затое вы даведаецеся, які ёсць профіт ад ужывання беларускай мовы дарослым і дзецям нават за мяжой — і атрымаеце карысныя парады, як пачаць гэта рабіць.
Выстава мастачкі Вікторыі Багдановіч «Касцюм як душа», прысвечаная інтэрпрэтацыі адметнасцяў беларускага народнага касцюму.
З нагоды Сусветнага дня барацьбы з ракам, які адзначаюць 4 лютага, у Вільні адбудзецца выстава з фотагісторыямі трох беларусак, якія зараз лечаць рак малочнай залозы. У якасці гераінь праекта выступілі ў тым ліку журналісткі Кацярына Ваданосава і Кацярына Пытлева.
Польшча
Варшава
У суботу, 4 лютага, зазірніце на ўтульны канцэрт барда Змітра Вайцюшкевіча.
Кракаў
Вас чакае канцэрт ды майстар-клас па этнічных спевах, на якім вы зможаце адчуць глыбіню беларускай гісторыі, увасобленую ў вашым уласным голасе.
Грузія
Тбілісі
Сяргей Башлыкевіч, бог сарказму і разбітых сардэчак, едзе ў Тбілісі з песнямі пра родненькія Ашмяны і не толькі!
ЗША
Бостан
Беларусы Бостана ўшануюць памяць Тадэвуша Касцюшкі, патрыёта, рэвалюцыянера, ветэрана вайны за незалежнасць ЗША, нацыянальнага героя Польшчы, Беларусі, Літвы і ЗША.
Больш беларускіх падзеяў шукайце ў нашай Афішы.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам».
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
Карыстацца ім вельмі проста: выбірайце той ці іншы горад або ўсю краіну, падпісвайцеся асобна на ўсе анлайн-мерапрыемствы ці выбірайце варыянт all inclusive — усе беларускія падзеі свету (у тым ліку і анлайн-мерапрыемствы). А пасля — сачыце за беларускім дзвіжам і далучайцеся!
А па гэтай спасылцы можна знайсці афішу бясплатных мерапрыемстваў.Больш беларускіх падзеяў шукайце ў нашай Афішы.
