Учора анлайн-прастора «PartyZona» вітала вельмі цікавага госця — знаўцу шляхецкіх традыцый, гісторыка і пісьменніка Юрыя Усціновіча. Слухачы атрымалі магчымасць даведацца пра гістарычнае шабельнае фехтаванне, арыстакратычныя традыцыі старадаўняй Беларусі ды шмат чаго іншага.
Шчыры дзякуй усім нашым гледачам за актыўнасць! Сустрэча атрымалася жывой і натхняльнай дзякуючы вашым пытанням! Іх было столькі, што наш госць быў вымушаны пасля сустрэчы застацца каб яшчэ раз уважліва іх перачытаць і знайсці тое самае пытанне, якое стала пераможцам. Асабліва адзначаем, што аўтараў пытанняў мы не указвалі для большай аб’ектыўнасці.
Трэба адзначыць што цікавымі былі не толькі пытанні, але і каментары слухачоў, да прыкладу каментар Аляксандра Руткевіча пра перамогу трох тысяч гусар над дванаццаці тысячным войскам шведаў. Юры Усціновіч вагаўся паміж пытаннем пра ўчынкі шляхты, за якія яму сорамна і пытаннем адносна шляхетных паненак і беларускай Жанны Д’арк:
І як заўжды, перамаглі паненкі.
Віншуем пераможцу! Ім стаў Сяргей Пульша, які атрымае ад нашай «PartyZonы» і шаноўнага госця шыкоўны падарунак, а менавіта правядзенне імпрэзы на гістарычную тэматыку ад Юрыя і яго каманды.
Сяргей, чакаем ад вас званка на тэлефон каардынатаркі «PartyZonы» 8029-850-45-19. Усім астатнім жадаем новых перамог у наступных нашых конкурсах! Сачыце за падзеямі на нашай «PartyZonе»!
