На сваёй старонцы ў Фэйсбук Нацыянальны гістарычны архіў апублікаваў план Бабруйска за 1794. На плане адлюстравана планіроўка гістарычнага горада да яго знішчэння пры будаўніцтве Бабруйскай крэпасці.
«Рэгіён Усходняй Бярэзіны, канец XVIII ст.
План высокакультурнага горада Бабруйск 1794 г. [НГАБ. Ф.120. Воп.2. Спр.4].
Да пабудовы Бабруйскай крэпасці, адзін з самых ранніх. Не тое, каб невядомы. Зробленая на яго падставе прамалёўка прысутнічае ў беларускіх энцыклапедыях («Энцыклапедыя гісторыі Беларусі», «Вялікае Княства Літоўскае»). Аднак, арыгінал змяшчае значна больш цікавых дэталяў», — напісана ў сацсетках архіва.
Таксама супрацоўнікі архіва паведамляюць, што ўжо «падрыхтавана віртуальная выстава «Бабруйск на картах, планах і чарцяжах XIX — пачатку XX стагоддзя», і ў бліжэйшыя дні яна будзе размешчана на сайце архіва».
