Пачатак кастрычніку будзе яркі: у рамках VIII Міжнароднага форуму тэтральнага мастацтва «ТЭАРТ» адбудуцца паказы харэаграфічных спектакляў «Жніво» і «CZTERDZIEŚCI». Унікальнасць Польскага тэатра танца, які прывозіць спектаклі да мінскіх глядачоў, складаецца ў сінтэзе харэаграфіі і драматычнага іскуства. Спектаклі будуць прадстаўлены ў рамках праграмы інстытута Адама Міцкевіча «Культурныя масты» і пры падтрымцы Польскага Інстытута ў Мінску.
Арганізатары Міжнароднага форума тэатральнага мастацтва «ТЭАРТ»: Цэнтр візуальных і выканальніцкіх мастацтваў «АРТ Карпарэйшн», ААТ «Белгазпрамбанк», ААТ «Газпрам трангаз Беларусь». Форум праходзіць пры падтрымцы Міністэрства культуры Рэспублікі Беларусь і Мінскага гарадского выканаўчага камітэта.
8 кастрычніка на сцэне Цэнтаральнага дома афіцэраў – пастаноўка знакамітага нарвежскага харэографа, рэжысёра і Члена гільдыі пісьменнікаў Нарвегіі Джо Стромгрэна. Спектакль «40» шматпланавы: на першым месцы біяграфія звычайнай жанчыны, якая радуецца і перажывае, набывае і губляе, сумняваецца ў сабе і змагаецца з цяжкасцямі. Калі ж прыглядзецца да сітуацыі лепей – гледачу адкрываецца гісторыя сарака гадоў жыцця чалавека і краіны, чалавека ў краіне і краіны ў чалавеку. Гісторыя гераіні – унікальны вопыт пошуку кампрамісу паміж сваімі амбіцыямі і абставінамі, у якіх чалавек вымушаны існаваць.
Пастаноўка «Czterdzieści» адлюстроўвае тэмпераменты і характары польскай нацыі. Стваральнік спектакля рэжысёр-харэограф Джо Стромгрэн выкарыстоўвае мову танца, каб паказаць узаемадзенне краіны і кожнага чалавека, які жыве ў ёй. «40» паведамляе пра розныя спосабы ўспрымання свету. Польскія тэатральныя крытыкі адзначаюць, што гераіня спектакля захавала веру ў лепшае і не зламіла сябе пад уздзеяннем знешняга свету, а таксама называюць спектакль «мудрым расповедам пра жыццё, які часам бывае жахлівым і змрочным, а часам вясёлым і трапным».
9 кастрычніка ў рамках міжнароднай праграмы пакажуць «Жніво» ў пастаноўцы Ігара Гашкоўскага заснаваны на п’есе «Вяртанне Адысея» Станіслава Выспяньскага. Спектакль «Жніво», створаны Ігарам Гашкоўскім сумесна з харэографам Івонай Пасіньскай, запрашае глядачоў акунуцца ў свет нацыянальнай польскай культуры. Дзеянні разгортваюцца ў сельскай мясцовасці: акцёры рухаюцца вакол нябачнага цэнтра. Гэты рух стварае атмасферу святкавання дня летняга сонцастаяння. Пастаноўка распавядае пра традыцыі ўборкі збожжа і пра тое, як цесна звязаны працэс вырошчвання ўраджаю з жыццем чалавека.
У спектаклі «Жніво» рэжысер Ігар Гашкоўскі зрабіў акцэнт на цесны, амаль інтымны кантакт паміж акцёрамі і аўдыторыяй. Таксама над спектаклем працавала харэограф Івона Пасіньска – тэатральны тэарэтык, мастацкі кіраўнік кампаніі Movements Factory. У якасці музычнага суправаджэння выкарастаны песенныя кампазыцыі польскага спевака і інструменталіста Адама Струга.
Польскі тэатр танца, які прывезе спектаклі «Жніво» і «CZTERDZIEŚCI», існуе з 1973 года, калі пад кіраўніцтвам Конрада Джэвіцкага група танцоўшчыкоў пачала ставіць уласныя пастаноўкі. Польскі тэатр прайшоў цікавы шлях развіцця: ад класічных балетаў да сучасных жанраў. Зараз тэатр сцірае любыя межы, як жанравыя, так і стылістычныя, выходзячы за рамкі традыцыйных выканальніцкіх форм.
У РАМКАХ «ШКОЛЫ ТЭАРТА» АДБУДЗЕЦЦА СУСТРЭЧА «ГАРЫЗОНТЫ НОВАГА ТЭАТРА» З ДАРОТАЙ МАСЛОЎСКАЙ
13 кастрычніка на Малой сцэне Рэспубликанскага тэатра беларускай драматургіі пройдзе творчая сустрэча з адной з найбольш папулярных польскіх пісьменніц – Даротай Маслоўскай. Падчас меропрыемства мы пагаворым пра феномен новага тэатра ў Польшчы, аб ролі драматурга ў сучасным тэатральным працэсе, аб літаратуры і яе ўплыў на грамадска-палітычныя працэсы і многім іншым.
Драматурга сучаснай Польшчы Дароту Маслоўскую называюць “аўтарам бэстсэлераў, якія апісваюць новую польскую рэальнасць 2000-х”. Яе першы раман «Польска-руская вайна пад бела-чырвоным сьцягам» (2002) стаў адным з самых гучных літаратурных дэбютаў у Польшчы. Яе п’есы «Двое бедных румынаў будуць размаўляць па-польску» і «У нас усё добра» перакладзены на шматлікія мовы і пастаўлены ў многіх тэатрах свету. У 2013 годзе на форуме «ТЭАРТ» мінская публіка мела магчымасць убачыць спектакль» у нас усё добра ” вядучага польскага рэжысёра Гжэгажа Яжыны.
Сустрэча праходзіць пры падтрымцы Інстытута Адама Міцкевіча ў Варшаве, а таксама пры партнёрстве Рэспубліканскага тэатра беларускай драматургіі.
Набыць квіткі можна на сайтах teart.by, bycard.by, kupalauski.by, smsbilet.by. Даведкі па тэлефоне: +375444904899 (квіткі), +375257241236 (прэс-служба).
Паводле арганізатараў
