– Гэта асаблівая прапанова для студэнтаў, якія хочуць вывучаць айчынную гісторыю ў вядомых гісторыкаў-прафесіяналаў. На праграме выкладаюць добра вядомыя ў Беларусі і замежжы навукоўцы. Сярод якіх, такія знаныя беларускія гісторыкі як Захар Шыбека, Генадзь Сагановіч, Алесь Смалянчук, мастацтвазнаўца Сяргей Харэўскі, тэолаг Ірына Дубянецкая і інш.
Апроч таго гэта ўдзел у этнаграфічных і краязнаўчых экспедыцыях па Летуве і Беларусі, археалагічных раскопках, магчымасць даследаванняў у багатых беларускімі матэрыяламі архівах і бібліятэках Вільні. Таму мы чакаем зацікаўленых гісторыяй роднага краю студэнтаў, каб працягнуць слаўныя традыцыі студэнтаў Віленскага універсітэту, Віленскай беларускай гімназіі, беларускіх адраджэнцаў “нашаніўскага” кола і беларускіх хрысціянскіх дэмакратаў…
Паступленне ў ЕГУ адкрывае для беларускіх студэнтаў мажлівасць разнастайных стажыровак і ўдзелу ў праграмах абмену з еўрапейскімі універсітэтамі. Двое выпускнікоў праграмы мінулага году працягнулі навучанне ў Паўднёва-Заходнім каледжы Канзаса (ЗША), адзін у магістратуры Варшаўскага універсітэта, двое ў магістратуры ЕГУ.
Навучанне адбываецца ў Вільні, даўняй сталіцы нашай супольнай дзяржавы Вялікага княства Літоўскага, прыгожым еўрапейскім горадзе, які са сваёй захаваўшайся старадаўняй архітэктурай і планіроўкай, сымбалічнымі для беларусаў Вострай Брамай і Базыльянскімі мурамі, ізысканым касцёлам Св. Ганны, вежай Гедыміна, Лукішскай плошчай, вуліцамі названымі ў гонар нашых славутых землякоў – да цяперашняга часу захаваў незвычайны водар сапраўднай гісторыі і нібы злучае сучаснасць з мінулым.
Поўную інфармацыю пра паступленне ў ЕГУ і праграму “Беларусістыка” можна знайсці тут – https://www.ehu.lt/ ці https://bel.ehu.lt/studies/bachelor/admission/ , а таксама ў даведніку абітурыента, які можна знайсці на згаданым сайце.
Кошт навучання
1200 еўра ў год.
За першы семестр неабходна аплаціць 600 еўра (усім). Пасля першай сэсіі паводле атрыманых адзнак будуць устаноўлены рэйтынгі студэнтаў. Паводле рэйтынгу да 70% студентов могуць атрымаць зніжку ў памеры ад 200 да 800 еўра альбо поўнае вызваленне ад аплаты. Рэйтынгі будуць змяняцца па выніках сэсій.
Для найлепшых студэнтаў універсітэта прадугледжана 6 стыпендый памерам 2000 еўра ў год кожная.
На праграме “Беларусістыка” на 1 курсе магчыма атрыманне 3 дадатковых стыпендый (каля 100 даляраў у месяц) з дабрачынных фондаў ЗША і Вялікабрытаніі.
Як паступіць?
Падаць дакументы магчыма да 25 чэрвеня 2010 г. да 12.00
Неабходна запоўніць анкету абітурыента і адаслаць яе да 25 чэрвеня.
Дзеля гэтага неабходна зарэгістравацца на сайце ЕГУ – https://moodle.ehu.lt , стварыць свой уліковы запіс (лагін і пароль).
Потым неабходна запоўніць анкету абітурыента. Для доступа да анкеты неабходна ўвесьці лагін і пароль Вашага ўліковага запісу для сайта – https://moodle.ehu.lt
Прыём ажыццяўляецца на конкурсных умовах. Для конкурса неабходны балы па:
1. Замежная мова
Падыходзіць адзнака (на выбар) з сертыфікату Адзінага Дзяржэкзамена (Цэнтралізаванае тэставанне), з акадэмічнай даведкі альбо дыплома лінгвістычнага каледжа, акадэмічнай даведкі альбо дыплома лінгвістычнага ВНУ, з міжнароднага сертыфікату (англ. – TOEFL, IELTS; ням. – сертыфікат Інстытута Гётэ, DSH, ÖSH; франц. – DELF, DALF), пасведчанне УРТ, якое выдаецца Цэнтрам моўнай і дауніверсітэцкай падрыхтоўкі “Прапілеі” (г.Мінск) – https://www.propilei.com/
2. Профільнае эсэ
Профільнае эсэ можна напісаць 23 траўня ў Вільні (Дзень Адчыненых дзвярэй ў ЕГУ) албо ў Цэнтры моўнай і дауніверсітэцкай падрыхтоўкі “Прапілеі” (г.Мінск) – https://www.propilei.com/
3. Сярэдні бал па дысцыплінах атэстата, пералічаных у анкеце (замежная мова, другая замежная мова (калі была), Чалавек.Грамадства.Дзяржава, бел. мова, бел. літ., рус. мова, рус. літ., сусветная гісторыя/гісторыя Айчыны)
4. Беларуская мова (адзнака з атэстату)
Падрабязная інструкцыя знаходзіцца на сайце ЕГУ – www.ehu.lt
Тыя, хто прайшоў па конкурсу выклікаюцца 17 ліпеня 2010 года на сумоўе з кіраўніком дэпартаменту і куратарам праграмы ў Вільні (ЕГУ дапамагае аформіць візу, але лепш аб гэтым раней пачаць клапаціцца).
На сумоўе неабходна прадаставіць:
o арыгінал альбо натарыяльна завераныя копіі атэстата аб агульнай сярэдняй адукацыі альбо дыплома аб вышэйшай ці сярэняй спецыяльнай адукацыі;
o арыгінал альбо натарыяльна завераныя копіі дакументаў, якія пацвярджаюць неабходны для паступлення ўзровень валодання замежнай мовай (А2);
o акадэмічную даведку, якая пацвярджае адзнакі, неабходныя для ўдзелу ў конкурсным адборы.
