Дырэктар Уфімскага прадзюсарскага цэнтра «Радус» Радмір Усаеў паведаміў, што «адразу пасля канцэрта за кулісы праніклі сілавікі», ізалявалі Шаўчука ад астатняй групы і «на працягу гадзіны вялі гутарку па факце мінулага канцэрта, яго накіраванасці і выказваннях», піша тэлеграм-канал «Редакция».
Са слоў Мусаева, паліцыянты нават хацелі затрымаць Шаўчука, але потым далі яму падпісаць пратакол і з’ехалі. Што гэта за пратакол і па якім артыкуле ён складзены, прадзюсар не ўдакладніў.
Напярэдадні Шаўчук, выступаючы на канцэрце ва Уфе, заявіў са сцэны: «Радзіма, сябры, гэта не ж*** прэзыдэнта, якую трэба ўвесь час мусоліць, цалаваць. Радзіма — гэта бабка бедная на вакзале, якая прадае бульбу. Вось гэта радзіма».