Ініцыятыва BelRead праводзіць ананімнае апытанне для таго, каб высветліць, якія замежныя творы чытачы хацелі б пачытаць на беларускай мове.
Цягам 3 тыдняў усе жадаючыя могуць прапанаваць на пераклад любы замежны твор. Па выніках апытання каманда BelRead перакладзе на беларускую мову той твор, які найчасцей будзе прапанаваны чытачамі ў апытанцы.
Прайсці апытанне можна па спасылцы.
Што ўжо зроблена ініцыятывай BelRead?
-
Пераклалі і выдалі апавяданні Лаўкрафта (пераможца першай апытанкі). Замовіць можна тут.
-
Пераклалі «Эн з зялёных Мезанінаў» (другое месца ў другой апытанцы).
-
Вядуцца перамовы наконт аўтарскіх правоў адносна пераможцаў трэцяга апытання.
BelRead — канал, прысвечаны сучаснай і класічнай літаратуры на беларускай мове і далучэнню чытачоў да жывой літаратурнай супольнасці: тут публікуюцца навіны кніжнага рынку, пераклады замежных аўтараў, агучка фрагментаў кніг.
Калі вы працуеце ў Літве, вы можаце падтрымаць «Будзьма беларусамі!», пералічыўшы нам 1,2% ад сваіх падаткаў. Вам уласна гэта не будзе каштаваць анічога.
