У сераду, 5 кастрычніка, у Музеі Янкі Купалы прэзентуюць тэматычны нумар часопіса «Роднае слова», прымеркаваны да 140-годдзя з дня нараджэння Янкі Купалы.
Здавалася б, Купалавы жыццё і творчасць вывучаны ўздоўж і ўпоперак, а плён купалазнаўства мог бы скласці шматтомную бібліятэку. Але ж вось — усё новыя і новыя дэталі, факты, знаходкі ды нават адкрыцці.
Пра іх і раскажуць падчас прэзентацыі аўтары «Роднага слова» — купалазнаўцы ХХІ стагоддзя, якія імкнуліся паглядзець на асобу і творчасць паэта ў святле новага часу.
У імпрэзе бяруць удзел народны ансамбль цымбалістаў «Вярба» і акцёр Ігар Пятроў.
Уваход вольны. Завітвайце!