У электронным фармаце на kniharnia.by выйшаў раман, які пераварочвае прадстаўленне пра літаратуру для падлеткаў і аб падлетках. Адзін з самых папулярных жанраў літаратуры – young adult цяпер можна пачытаць і па-беларуску.
Гэта гісторыя сённяшніх дзесяцікласнікаў з маленькага правінцыйнага горада, у якім ніколі нічога не адбывалася да падзей, узгаданых у кнізе, у якім кансерватыўны і мяшчанскі ўклад побыту лічыўся нормай, і які прымаўся за ўзор спакою, пакуль галоўная гераіня Даша Белая не паглядзела серыял “Школа” і не адзначыла для сябе, што ўсе у іх горадзе тупеюць і з гэтым трэба неяк змагацца. Яна перафарбавалася ў “эма”, абвясціўшы гораду свой асабісты «бунт без прычыны», займела сяброўку Таню Паўлоўскую са свайго ж класу (нават дзіўна, што раней яны не сябравалі) і закахалася у рэжысёра мясцовага Дома культуры Мікалая Міхайлавіча, старэйшага за яе на дванаццаць гадоў, які, з-за шэрагу абставінаў, як Чорны Плашч з мультфільмаў, заўсёды прыходзіў ёй на дапамогу.
5 прычын прачытаць кнігу “Прывітанне, Даша!”
- Апавяданне пра маленькі горад, у якім кожны можа пазнаць горад свайго дзяцінства з усімі яго праблемамі, ціхім і памяркоўным жыццём.
- Кніга на вечную тэму “бацькоў і дзяцей”, непаразуменні паміж дарослымі і падлеткамі. Знаёмая праблема? Тады кніга абавязковая для прачытання!
- Падлеткаў зацікавіць галоўная гераіня – Даша, якая “зладзіла бунт на караблі”: змяніла колер валасоў, закахалася ў чалавека, нашмат старэйшага за сябе, да ўсяго ж яшчэ і спецназаўца , якога звольнілі за… Ужо цікава, сапраўды?
- Гэта не набокаўская Лаліта! Гэта Даша Белая, якая абавязкова схопіць нейкія непрыемнасці, а яе каханы (той, што на 12 гадоў старэйшы) выратуе яе, як “Чорны плашч”.
- І гэта кніга пра сяброўства. Жаночае, якое пачынаецца ў школе і застаецца на працягу ўсяго жыцця.
Перапляценне сюжэтных ліній, прыгоды, містыка, каханне змяшчаюцца ў твор і адчуваюць сябе “як дома”. Гэта не філасофскія маралі і не разважанні пра сэнс жыцця на зямлі.
Гэта раман пра сённяшнюю моладзь, якае жыве і сталее тут і цяпер, пра “эма” і “скінхэдаў”, пра бацькоў і дзяцей, пра творчасць і мастацтва, пра першае каханне і першыя расчараванні, пра дабро і зло, пра подласць і здраду, пра вернасць і высакароднасць, пра абыякавасць і ўдзел. Карацей, пра нас з вамі, пра нашых дзяцей, суседзяў, сяброў і сябровак. Гары Потэр, Бэлла Свон, Фрода нервова паляць у параўнанні з Дашай і яе сябрамі. У рэшце рэшт, што больш патрэбна: наша крутая гісторыя з нашай крутой гераіняй ці аднатыпныя амерыканскія персанажы?
