Конкурс прысвечаны 25 гадавіне гродзенскай «Школы маладога журналіста/Школы сучаснай журналістыкі», якая распачала сваю дзейнасць яшчэ ў 1997 годзе і працуе сёння.
За 25 год выпускнікамі Школы сталі больш за 500 чалавек, многія з якіх прысвяцілі сваё жыццё журналістыцы альбо грамадскай дзейнасці і дагэтуль працуюць у беларускіх і замежных медыя і НГА. Больш за 30 выпускнікоў станавіліся ў розныя часы лаўрэатамі прэстыжных нацыянальных і міжнародных прэмій у галіне журналістыкі.
З нагоды юбілею арганізатары абвяшчаюць конкурс журналісцкіх матэрыялаў, да ўдзелу ў якім запрашаюцца найперш выпускнікі Школы за розныя гады (1997-2022), але заяўку на могуць падаць усе жадаючыя.
Конкурс праводзіцца ў трох намінацыях:
— Лепшае інтэрв’ю
— Лепшы мультымедыйны матэрыял
— Лепшыя фота-гісторыя/фотарэпартаж
На конкурс можна заяўляць матэрыялы, апублікаваныя ў беларускіх і замежных медыя ў 2020-2022 г.
Форма заяўкі на ўдзел у конкурсе:
— Імя і прозвішча
— Электронны адрас альбо іншы канал для сувязі
— Год выпуска ў ШМЖ/ШСЖ (калі Вы з’яўляецеся выпускніком/выпускніцай Школы)
— Назва намінацыі, у якую заяўляецца матэрыял
— Спасылка на матэрыял (калі няма магчымасці даслаць электронную спасылку — можна даслаць матэрыял у дадатку, пазначыўшы, калі і дзе ён быў апублікаваны)
Заяўкі прымаюцца да 20 траўня па электроннай пошце youthpress2021@gmail.com.
Узнагароджанне пераможцаў адбудзецца ў сярэдзіне чэрвеня ў час выпускной сустрэчы «Школы сучаснай журналістыкі-22».
