Атрымаўшы ў калекцыю такі каштоўны экспанат, музей захавае рэдкі ўзор Веткаўскай іканапіснай школы. Пра збор сродкаў установа абвесціла на сваёй старонцы ў Facebook.

1 лістапада споўніцца 35 год з таго дня, як была адкрыта пастаянная музейная экспазіцыя на трох паверхах у адрэстаўраваным гістарычным будынку — доме купца Грошыкава. Напярэдадні свайго дня нараджэння Веткаўскі музей звяртаецца з просьбай: дапамагчы набыць вельмі знакавы экспанат і для музея, і для Веткаўскага рэгіёна ўвогуле.

Ікона з’яўляецца фрагментам Царскай брамы, якая, вельмі верагодна, у свой час упрыгожвала веткаўскую стараабрадніцкую Пакроўскую царкву. Па многіх прыкметах час стварэння гэтай іконы адносіцца да XIX стагоддзя. Кошт экспаната складае 2500 рублёў.

Ікона належыць Веткаўскай школе іканапісу і хутчэй за ўсё была напісана менавіта ў Ветцы. «На выяве Божай Маці мы беспамылкова бачым праніклівы веткаўскі выраз твару. Такіх жанчын я часта сустракала на веткаўскіх вуліцах. А веткаўскія іконы заўсёды падобныя на нашых жыхароў. То бок нашы іконы вельмі этнічныя. Тут выява не Багародзіцы ўвогуле. Яна наша Багародзіца», —расказвае пра экспанат дасведчаны спецыяліст па Веткаўскім іканапісе Галіна Нячаева.

Рэквізіты. Разліковы рахунак у ААТ «Беларусбанк», у беларускіх рублях:

УНП (УНН): 400560905

Рахунак (IBAN): BY65AKBB36424130002703100000

БІК (код банка): АКВВBY2X

Атрымальнік: Веткаўскі музей

Код прызначэння плацяжу: 44201

Прызначэнне пераводу: OTHR

Каб аплаціць праз інтэрнэт-банкінг/мабільнае прыкладанне, выбірайце не АРІП, а Пераводы — Па рэквізітах.