Беларускія культурныя мэнэджаркі Надзея Ількевіч і Таццяна Штэйнбук аб’ядналіся ў ініцыятыву Create Culture Group, якая падтрымлівае і развівае культурны і крэатыўны сектар ў Беларусі. Зараз з нагоды актуальных у свеце падзей з’явіўся новы праект — анлайн-рэзідэнцыя Cultural Bridge. Асноўная мэта ініцыатывы — падтрымка Украіны. На ўдзел да арганізатараў прыйшло больш за 60 зваротаў, але толькі 3 былі выбраны для реалізацыі сваіх ідэй. 11 чэрвеня ў Вільні адбылася прэзентацыя першага праекта.
У межах рэзідэнцыі, якая працягнецца да канца чэрвіня, тром удзельнікам з Вільні, Варшавы і Тбілісі трэба было распрацаваць індывідуальны або сумесны культурны праект па тэме салідарнасці з Украінай і рэалізаваць яго ў сваім горадзе. Фармат праекта мог быць любы: перфоманс, флэшмоб, акцыя і гд. Важна, каб украінскія прадстаўнікі крэатыўнага і культсектара таксама прымалі ўдзел у рэалізыцыі праекта, ініцыятывы або былі таксама мэтавай аўдыторыяй.
Такім чынам, сёння 11 чэрвіня ў дворыке Еўрапейскага гуманітарнага ўніверсітэта першы праект прэзінтаваў удзельнік з Вільні Вячаслаў Красулін. Ён прадставіў фальклорны інтэрактыўны канцэрт «Гучна». Праект прапануе культурную інтэграцыю дзвюх народаў праз традыцыйныя беларускія і ўкраінскія спевы, а таксама спеўны і танцавальны майстар-класы. Галоўная мэта імпрэзы — пазнаёміць шырокае кола жыхароў Вільні з беларускімі і украінскімі спеўнымі і танцавальнымі традыцыямі. Сярод выступоўцаў гурт традыцыйных спеваў «Беларускі цуд» (BLR), фальклорны гурт Slavalachia (UA+USA+BLR), а таксама клуб традыцыйнага танца «Ойра» (BLR).
«Мы зладзілі імпрэзу беларусаў і украінцаў, на якой кожны змог адчуць яднанне. Дзякуючы гэтаму мы далучаемся да вялiкай суполки людзей, якiя праз культуру і мастацтва робяць нашыя народы бліжэй. Акрамя гэтага, нам патрэбна карыстацца усімі магчымасцямі, каб падтрымаць нашых сяброў з Украіны». — аўтар праекта Вячаслаў Красулін.
На наступным тыдні свае ідэі прэзінтуюць ўдзельнікі з Тбілісі і Варшавы.
Падрабязней інфармацыю аб анлайн-рэзідэнцыі можна знайсці тут.