У Японіі паказалі новыя тамагочы. Цяпер віртуальны гадаванец будзе жыць унутры смарт-гадзініка і яго можна будзе пагладзіць з дапамогай сэнсарнага экрана. Выхад запланаваны на лістапад гэтага года.
Японская кампанія Bandai да 25-й гадавіны выхаду арыгінальнага тамагочы прадставіла Tamagotchi Smart — новую версію цацкі з віртуальным гадаванцам ўнутры, за якім трэба даглядаць. Аб гэтым паведамляецца на сайце вытворцы.
У гэтай цацкі ёсць магчымасць перадаваць дадзеныя паміж прыладамі і сэнсарны экран, з дапамогай якога можна пагладзіць гадаванца. Таксама даступна галасавое кіраванне і магчымасць падлічваць крокі.
Збоку цацкі маеца адмысловы раздым для TamaSma-картак, якія дазваляюць дадаваць у цацку новых гадаванцаў і аксесуары для іх.
Tamagotchi Smart будуць прадаваць у каралавым і блакітным колерах, таксама з’явіцца лімітаваная серыя цацак белага колеру. Кошт прылады складзе 6380 іен (каля 145 беларускіх рублёў). Карткі TamaSma з новымі гадаванцамі будуць каштаваць 1100 іен (каля 25 беларускіх рублёў).
Выхад Tamagotchi Smart ў Японіі запланаваны на 23 лістапада 2021 года.