Чым адметнае гарадское жыццё Барысава? Як напоўніць звыклыя месцы ў горадзе незвычайнымі падзеямі? Як барысаўчане могуць уключацца ў развіццё гарадскіх прастораў і актыўнасцяў?
Кампанія “Будзьма беларусамі!” разам з Цэнтрам даследавання грамадскага кіравання SYMPA запрашае жыхароў Барысава па-новаму зірнуць на горад і разам паразважаць, як разам зрабіць горад лепшым, падчас адмысловага ток-шоу “Сучасны Барысаў: горад для жыцця?”
Сваімі развагамі і досведам падзеляцца:
Дзяніс Кобрусеў (Мінск) — гарадскі актывіст, каардынатар таварыства “Горад для гараджан”;
Зміцер Бабіцкі (Барысаў) — эканаміст, аўтар канцэпцыі развіцця горада Барысава;
Валянціна Сідоркіна (Маладзечна) — сузаснавальніца адукацыйнага цэнтра “Адкрытая прастора”, арганізатарка гарадскога фэсту “Прышчэпка”;
Ганна Холад (Маладзечна) — гарадская актывістка, сааўтарка праекта “Крэатыўная карта Маладзечна”.
Хочацца новых цікавых рашэнняў для свайго горада — далучайцеся да абмеркавання! Размова адкрытая для ўсіх ахвочых без абмежаванняў ва ўзросце і прафесіі.
30 кастрычніка
18.30
Гастрапаб “Fабрика”, вул. Даўмана, 78
Уваход вольны!
Інфалінія +375297121803, [email protected]
Падзея ў Вконтакте і Facebook
