Як актыўныя вяскоўцы могуць змяніць аблічча вёскі? Якія ёсць паспяховыя практыкі, магчымасці для развіцця лакальнага актывізму на Міншчыне? З якімі праблемамі можа сутыкнуцца вясковы актывіст і як іх вырашаць?
Кампанія “Будзьма беларусамі!” разам з Цэнтрам даследавання грамадскага кіравання “Сімпа” і адукацыйным праектам VioskaLab запрашае разам пашукаць адказы на гэтыя і многія іншыя пытанні падчас адмысловага ток-шоу “Сельскі актывізм: новы шлях адраджэння вёскі?”.
Сваім досведам і меркаваннямі падзеляцца госці ток-шоў:
Алег Сівагракаў (Мінск) — эксперт па ўстойлівым развіцці, сябра рады Грамадскай платформы “Новая вёска”, кандыдат эканамічных навук, дацэнт;
Валерыя Ваўкагонава (Мінск) — каардынатарка конкурсу сацыяльных праектаў Social Weekend, супрацоўніца Офіса еўрапейскай экспертызы і камунікацыі;
Аляксандр Маскаўчук (Івана-Франкоўск, Украіна) — трэнер праекта “Майстэрня сельскіх ініцыятыў”, сябра каманды крэатыўнай прасторы “Хата-майстэрня” ў в. Бабін Івана-Франкоўскай вобласці;
Юлія Лісіца (Мінск) — каардынатарка праграмы VioskaLab, выпускніца праграмы “Суседзі 3.0” і арганізатарка рэгіянальнага фэсту “Суседзі” ў Валожынскім раёне.
Дыскусія адбудзецца 22 чэрвеня, у пятніцу, на сядзібе “Марцінова Гусь” (в. Малая Люцынка Валожынскага раёна Мінскай вобласці).
Пачатак у 17.00.
Уваход вольны, але пажадана папярэдне зарэгістравацца тут.
Шчыра запрашаем натхніцца досведам актыўных і ініцыятыўных і знайсці аднадумцаў у сваёй справе!
Сачыце за падзеяй у сацыяльных сетках “Вконтакте” і “Фэйсбук”.
Даведкі: (029) 712-18-03, razam@budzma.org