Напярэдадні 70-гадовага юбілею паэта, празаіка, грамадскага дзеяча Уладзіміра Някляева пабачылі свет дзве кнігі. Адна з іх змяшчае новыя вершы Уладзіміра Пракопавіча, іншая ж прысвечаная яму самому і ягонай творчасці.
Зборнік “Толькі вершы”, апублікаваны ў серыі “Кнігарня пісьменніка” Бібліятэкі СБП у выдавецтве “Кнігазбор”, складаецца з двух раздзелаў: больш лірычнага “Падманы празрыстай вады” і болей эпічнага “Турэмная бібліятэка”.
Даследчык Ціхан Чарнякевіч у крытыка-біяграфічным нарысе “Вандроўнік” (Мінск: “Лімарыус”) апісвае жыццёвы шлях паэта, раскрывае малавядомыя старонкі літаратурнай дзейнасці Уладзіміра Някляева, паказвае, як успрымалася ягоная творчасць у савецкі і постсавецкі час.
Прэс-служба ГА “Саюз беларускіх пісьменнікаў”
