У выніку рэформы ў навучальнай праграме ўкраінскіх школ застаўся толькі адзін беларускі аўтар — Сяргей Законнікаў з вершам «Бережи себе, Україно!». Гэта твор для дадатковага чытання ў 10-11 класах з філалагічным профілем, піша тэлеграм-канал BelarusWithUkraine.
Гэта вынікае з праграм, якія апублікавала Міністэрства адукацыі Украіны,
Таксама прыбраныя творы расійскіх пісьменнікаў і руская мова. Выключэнне зрабілі для твораў Гогаля, Караленкі і Булгакава, якія нарадзіліся ва Украіне.
Раней украінскія школьнікі таксама вывучалі «Альпійскую баладу» Быкава і — як творы для дадатковага чытання ў спецыялізаваных класах — вершы Купалы «Пам’яті Шевченка», «Україна» і паэму «Тарасова доля».
Беларуская Р*да культуры накіроўвала ліст у Міністэрства адукацыі і навукі Украіны з нагоды выключэння твораў беларускіх аўтараў з праграмы. Яго прынялі да разгляду, але афіцыйнага адказу не было.
За захаванне ў школьнай праграме выступаў і ўкраінскі пісьменнік і дыпламат Сяргей Баршчэўскі.
Чытайце яшчэ:
Міхась Скобла: за вайну адкажуць Якуб Колас і Васіль Быкаў?
