Маеш шмат цікавай і карыснай інфармацыі, гатовы дзяліцца ёй з іншымі, хочаш быць патрэбным людзям? «Віртуальны Універсітэт» запрашае стаць часткай яго каманды. «Віртуальны Універсітэт» — гэта адукацыйныя пляцоўкі для людзей усіх пакаленняў, якія хочуць развівацца і атрымліваць карысныя для жыцця ў сучасным грамадстве веды.
Сёмы сезон «Віртуальнага Універсітэту» распачнецца ў лютым 2023 года.
Заняткі праходзяць у фармаце online. Працягласць заняткаў — 1,5 гадзіны максімум.
Мова заняткаў: беларуская альбо руская.
Вы можаце заявіць як адзін занятак, так і курс з 3-4 заняткаў.
Каго шукаюць?
Цікавых і камунікабельных людзей, якія гатовыя прапанаваць самыя розныя тэмы заняткаў: гісторыя, спорт, псіхалогія, мастацтва, рэлігія, культуралогія, медыцына. Гэты спіс не мае абмежаванняў!
Калі ў вас ёсць сумневы, ці прапанаваная вамі тэма будзе цікавай для слухачоў Універсітэту — напішыце па адрасе universityonline.hrodna@gmail.com.
Каб заявіць сваю тэму ў праграму сёмага сезону Віртуальнага Універсітэту трэба запоўніць да 25 студзеня форму заяўкі.
