Віртуальны Універсітэт Залатога Веку гэта адукацыйная пляцоўка для сталых людзей і людзей іншых пакаленняў, якія хочуць развівацца, атрымліваць карысныя для жыцця ў сучасным грамадстве веды.
Паглядзець, як раней праходзілі лекцыі і курсы, можна тут.
Зараз ВУЗВ распачынае трэці сезон і шукае цікавых экспертаў, гатовых да супрацоўніцтва ў якасці вядучых адкрытых онлайн лекцый і заняткаў, а таксама онлайн курсаў.
Бонусамі для выкладчыкаў стануць: новы досвед, шчырая падзяка ад сталых студэнтаў, інфармацыя пра выкладчыка на сайце ВУЗВ і ў сацыяльных сетках.
Тэмы заняткаў могуць быць самымі рознымі: мастацтва, гісторыя, здароўе, адукацыя, кіно, падарожжы, псіхалогія, інфармацыйныя тэхналогіі, фінансы і іншыя.
Калі Вы хочаце праводзіць онлайн-заняткі ў Віртуальным Універсітэце Залатога Веку – запоўніце анкету па гэтай спасылцы і прадстаўнікі ВУЗВ звяжуцца з вамі ў бліжэйшы час.
